Këngëtarja me origjinë shqiptare dhe famë internacionale, Bebe Rexha, ka zbuluar se është në proces e sipër të blerjes së një shtëpie si dhuratë për prindërit e saj, Flamurin dhe Bukurije Rexhën.
Teksa ylli i hitit “Hey Mama” ishte duke shkuar për vizitë në shtëpinë e prindërve të saj në Neë York, ajo është ndaluar nga ekipi i TMZ për një intervistë të shkurtër rreth komenteve të fundit kritikuese ndaj ceremonive të ndarjes së çmimeve.
Rexha i është shmangur pyetjes duke thënë se akoma preferon të kompozojë dhe të kujdeset për familjen e saj.
“Unë nuk dua t’ia di, krejt çfarë di është do vazhdoj të kompozoj dhe shkruaj më të mirën që mundem. Të bëj atë që mundem për t’u kujdesur për mamanë time, për babanë tim, familjen time dhe jam duke blerë një shtëpi tani”.
“Ka qenë gjithmonë një ëndërr e imja”, ka thënë Bebe Rexha për TMZ.
Madje, gazetari e ka ngacmuar Beben duke e pyetur rreth lokacionit të shtëpisë që ajo ka vendosur ta blejë për prindërit e saj dhe ajo ka treguar se shtëpia gjendet në regjionin e famshëm “The East Cost”, i cili ndodhet në bregun lindor të kontinentit amerikan.
Ndryshe, së fundmi artistja e njohur, emri i vërtetë i të cilës është – Bleta Rexha, kishte kritikuar ceremonitë shpërblyese të çmimeve se – nuk kishin vlerësuar disa prej hiteve të saj që shënuan miliona shitje në platformat digjitale, sidomos në Spotify.
Ajo përmendi tri këngët e saj hite – “In the name of love”, “Me, myself and I” si dhe “Meant to be”, të cilat sipas saj kanë rezultuar me miliarda dëgjime në Spotify, por që të njëjtat sipas saj “nuk janë vlerësuar”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Princesha Anne shtrohet në spital me tronditje pas një “incidenti” në shtëpinë e saj në fshat
-
Jessica Alba ndan sekretin e saj për një martesë të lumtur
-
Princesha Madeleine e Suedisë kthehet në atdheun e saj me familjen e saj pasi jetoi për disa vjet në SHBA
-
Ngjyra e rrobave të banjës së fëmijës suaj mund të luajë një rol në sigurinë e tyre në pishinë apo det, thonë ekspertët