Delegacioni i Bashkimit Evropian në Shqipëri dhe ajo e Ambasadës së SHBA-ve, pasditen e 8 shkurtit, në një deklaratë të përbashkët kanë theksuar se e mbështesin “fuqishëm” zgjatjen e mandatit të organeve të vetting-ut.
Sipas deklaratës të publikuar në median sociale Twitter, thuhet se Shqipëria vitet e fundit ka bërë përparime domethënëse në reformat e anëtarësimit në BE dhe një ndër hapat më të vështirë ka qenë miratimi dhe zbatimi i reformës në drejtësi.
Kjo e fundit po jep rezultate, citohej në deklaratën e përbashkët dhe vetting-u i gjyqtarëve dhe prokurorëve është një element thelbësor i reformës.
“Për t’u mundësuar institucioneve të vetting-ut të kryejnë misionin e tyre, është i nevojshëm ndryshimi i kushtetutës për ta zgjatur mandatin e tyre për një periudhë të kufizuar”, vijonte deklarata e përbashkët.
Deklaratë e përbashkët për shtyp e Delegacionit të BE-së në Shqipëri dhe e Ambasadës së SHBA në Tiranë 👉 https://t.co/uxTYW67e4c️ | Joint press statement of the EU Delegation to Albania and the U.S. Embassy in Tirana 👉 https://t.co/uxTYW67e4c pic.twitter.com/GVx0F4Ui6n
— USEmbassyTirana (@USEmbassyTirana) February 8, 2022
Ndër të tjera, ata përmendin dhe përfundimin e Komisionit të Venecias, e cila konfirmoi se zgjatja e propozuar është në përputhje me standardet evropiane dhe është e nevojshme për të garantuar barazinë para ligjit dhe sigurinë juridike.
Sakaq, ata ritheksojnë se kjo nuk është çështje partiake dhe zgjatja e propozuar e vetting-ut mbështetet nga miqtë e Shqipërisë, të cilët duan ta shohin Shqipërinë në BE “sa më shpejt të jetë e mundur”.
“Shpresojmë që të gjithë deputetët – pavarësisht nga përkatësia partiake – ta shohin këtë si një çështje të interesit kombëtar dhe të votojnë në përputhje me të”, ishte thirrja e tyre sa i përket votimit në Kuvendin e Shqipërisë.
Në përfundim, mesazhi i tyre mbyllet: Vota për zgjatjen e vetting-ut është votë për të ardhmen e Shqipërisë në BE.
Gjatë kësaj dite edhe ambasadori gjerman, Peter Zingraf, në Tiranë ka lobuar rreth zgjatjes së mandatit të vetting-ut duke e cilësuar si rrugën e shpejtë drejt anëtarësimit në BE.
Kujtojmë që Këshilli i Legjislacionit, të premten e 21 janarit, miratoi ndryshimet kushtetuese për sa i takon zgjatjes së mandatave të organeve të vetting-ut deri në fund të vitit 2024.
PS-ja kërkoi që afatet e Komisionit të Pavarur të Kualifikimit dhe Kolegjit të Posaçëm të Apelimit të shtyhen deri në 2024-ën.
Kreu i Grupit Parlamentar të PS-së, Taulant Balla, në daljet e tij për mediat ka deklaruar se kjo është një vijueshmëri e Reformës në Drejtësi.
Balla ka ftuar herë pas here opozitën për të votuar sa më parë për ndryshimet kushtetuese që kishin të bënin me zgjatjen e afateve të organeve të Vetting-ut
Tashmë fjala e fundit i takon Kuvendit të Shqipërisë, i cili duhet të miratojë këto ndryshime me 84 vota pro.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rrëfimi rrëqethës i Ermal Metës për sulmet e panikut: Për një kohë të gjatë u vetësabotova, përfundova në telashe me sjellje të paqarta, terapia ishte themelore
-
Çfarë parashikon projektligji me kushtet e reja për abortin dhe lindjet invitro?
-
Afganët e ‘harruar’ në Shqipëri në pritje të vizave amerikane
-
Parashikimi i motit, 29 prill 2024