BE heq Nikita Mazepin nga lista e sanksioneve

Rruga drejt një rikthimi të mundshëm në Formula 1 për Nikita Mazepin vazhdon të hapet.

Shoferi rus, së bashku me sponsorin e tij “Uralkali”, i cili drejtohet nga babai i tij Dmitry, u largua nga ekipi amerikan Haas në fillim të konfliktit në Ukrainë.

Që atëherë, Mazepin, tani 25 vjeç, është përballur me sfida të rëndësishme në udhëtimin përtej kufijve të Rusisë për shkak të përfshirjes së tij në listën e sanksioneve të Bashkimit Evropian (BE), për shkak të lidhjeve të babait të tij me kreun e shtetit rus, Vladimir Putin.

Ekipi i F1, Haas, shkarkon rusin Mazepin për shkak të pushtimit rus ndaj Ukrainës

Megjithatë, në një zhvillim të ri, ndërsa Këshilli i Bashkimit Evropian zgjati sanksionet kundër individëve rusë këtë javë, emri i Mazepin është hequr nga lista.

“Në kontekstin e rishikimit të sanksioneve, Këshilli vendosi të mos rinovojë listat e dy individëve dhe të heqë pesë persona të vdekur nga lista”, konfirmoi Këshilli në një njoftim për shtyp.

Përveç Mazepin, individi tjetër i hequr nga lista ishte Violetta Prigozhina, nëna e Yevgeny Prigozhin, ish-udhëheqësit të grupit Wagner që vdiq në gusht të vitit të kaluar.

Këshilli i BE-së gjithashtu përsëriti se ata që janë ende nën sanksione vazhdojnë të përballen me kufizime të udhëtimit, asete të ngrira dhe ndalime për pagesa të caktuara.

Pilotit rus, të shkarkuar nga Haas, i sekuestrohet pasuria marramendëse

Oligarku dhe plehrat: Negociatat sekrete të OKB-së me rusin e sanksionuar nga Evropa

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.