BE, Dodikut – “Integriteti territorial i BeH-së, i padiskutueshëm – Kushdo që e dyshon, i papranueshëm”

Në një konferencë për shtyp pasditen e së enjtes Bashkimi Evropian i ka reaguar Anëtarit të Presidencës së Bosnjes dhe Hercogovinës nga Republika Srpska, Millorad Dodik-ut, pasi ky i fundit doli edhe në kërcënim të hapur për rezistencë ndaj NATO-s nga Rebublika Srpska.

“Kushdo që vë në dyshim integritetin dhe sovranitetin e Bosnjes dhe Hercovinës”, deklaroi zëdhënësi i BE-së, Peter Stano, “nuk është i pranueshëm për Bashkimin Evropian”.

Pyetur nga gazetarët se, sipas disa informacioneve janë “shtatë vende anëtare të BE-së që mbështesin shpërbërjen paqësore të BeH-së”, Stano u përgjigj se “Pozicioni i qartë i 27 vendeve vendeve anëtare të BE-sl është vendosmëria ndaj integritetit dhe sovranitetit të BeH-së”.

“Ne theksojmë mbështetjen e BE-së për integritetin dhe sovranitetin e BeH-së. Kushdo që bën diçka që shkel atë që thash më parë nuk është i pranueshëm në BE. Hapat, përpjekjet, veprimet dhe deklaratat që vënë në dyshim integritetin e Bosnjës nuk janë të pranueshme”, deklaroi Peter Stano.

“Bëjmë thirrje për zmbrapsje prej retorikave nxitëse dhe përçarëse. Përfshirë edhe edhe institucionet shtetërore. Kjo është e papranueshme. BeH ka perspektivë evropiane, dhe populli i BeH-së për ne ëshë një”, përfundoi ai.

Ndërsa mëngjesin e së enjtes Millorad Dodik tha se Republika Srpska do të luftojë për qëllimet e saj politike, dhe se është gati edhe për konflikt ushtarak.

Made, ai tha se “do të kërkojmë edhe ndihmën e miqëve”.

“Nëse do të jetë e domosdoshme do të mbojmë veten me forcat tona. Nëse na thonë se do të vijë NATO të intervenojë, do të kërkojmë ndihmën e miqëve tanë që na kanë thënë qartë dhe zëshëm se nuk do na lënë në baltë”, tha Dodik për Republika Srpska TV.

Nëse NATO intervenon në ”territor të Republika Srpskas”, deklaroi Dodik, “do të ishte agresion”.

“Nuk duam eskalim. Kjo është çështje dhe betejë politike. Këtu merren vendime politike, jo lufte”, tha ai derisa fliste për iniciativën e tij që Republika Srpska të tërheq pajtimin e formimit të më shumë institucioneve në nivelit shtetëror të BeH-së, përfshirë edhe ekzistencën e Forcave të Armatosura të BeH-së.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.