Pothuajse 20% e fëmijëve emigrantë të pashoqëruar nga Shqipëria të marrë nga Këshilli i Qarkut Kent në Mbretërinë e Bashkuar këtë vit janë zhdukur.
Kështu shkruan e përditshmja britanike “BBC”, e cila ka zhvilluar një hulumtim për çështjen.
Autoriteti vendor i tha prestigjiozes se ka marrë 197 fëmijë shqiptarë deri më 31 tetor, por 39 prej tyre janë zhdukur.
“Ecpat UK”, e cila bën fushatë për të mbrojtur fëmijët nga shfrytëzimi, tha se shifrat ishin shumë shqetësuese.
Këshilli tha se, kishte punuar ngushtë me Zyrën e Brendshme dhe policinë për të mbrojtur fëmijët e cenueshëm.
Shifrat u morën nga “BBC” përmes një kërkese për Lirinë e Informacionit.
Këshilli sqaroi se 197 fëmijë shqiptarë në njësinë e pranimit në Kent të Ministrisë së Brendshme iu nënshtruan kujdesit nga 1 janari deri më 31 tetor.
Ai shtoi se, që nga 7 nëntori, 39 kishin pësuar “një episod të zhdukjes”.
Më shumë se 12 mijë emigrantë nga Shqipëria kanë arritur në Mbretërinë e Bashkuar me anije deri më tani këtë vit – një rritje prej gati 4 mijë % krahasuar me vitin 2021.
Çështja është vënë në pah nga ministri britanik i Emigracionit, Robert Jenrick, i cili tha se në disa varka të vogla, 80% e atyre që ishin në bord ishin nga Shqipëria.
“Ecpat UK” tha se fëmijët e zhdukur mund të shfrytëzohen, të detyrohen të bëjnë punë ndërtimi ose të detyrohen të punojnë në krim, si për shembull të detyrohen të punojnë në fabrikat e kanabisit.
Në një deklaratë, Këshilli i Qarkut Kent tha se kishte parë një “rritje të konsiderueshme” në numrin e fëmijëve shqiptarë të pashoqëruar të referuar në shërbimet e tij.
“Ndërsa të gjithë fëmijët e pashoqëruar azilkërkues janë të cenueshëm ndaj shfrytëzimit… hulumtimi dhe përvoja dëshmon se disa kombësi janë veçanërisht të cenueshme dhe mund të zhduken nga kujdesi i autoriteteve lokale shumë shpejt”.
Këshilli i tha “BBC-së” se ka përdorur të dy protokollet mbrojtëse të vendosura, duke përfshirë Mekanizmin Kombëtar të Referimit, dhe ka iniciuar strategji të shumë agjencive për të minimizuar sa më shumë që të jetë e mundur rreziqet për këta fëmijë.
“Këshilli vazhdon të marrë një rol proaktiv në mbrojtjen e të gjithë fëmijëve azilkërkues të pashoqëruar në kujdesin e tij”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Forcat izraelite thonë se kanë nën kontroll anën lindore të Gazës, në kalimin Rafah
-
Meta mbledh Kryesinë e PL-së, merr zotim të çlirojë administratën nga korrupsioni dhe nepotizmi
-
Aksioni policor në Tepelenë zbulon shtëpinë e barit me mbi 230 rrënjë kanabis, shoqërohen 4 persona
-
Këlliçi çon Veliajn në SPAK, për lidhje me Ndrangheta-n
Lajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
Maqedonci kërkon që KFOR-i të qëndrojë në Kosovë derisa Serbia të demokratizohet