Portieri i Kroacisë, Dominik Livakovic, ishte një ndër figurat kryesore në Kupën e Botës, Katar 2022.
Livakovic ishte ndër më meritorët që Kroacia e preku gjysmëfinalen, duke bërë pritje vendimtare, sidomos në ndeshjen çerekfinale ndaj Brazilit, që kroatët e fituan pas penalltive dhe kjo falë gardianit të tyre.
Portieri 27-vjeçar ka kontratë të lidhur me Dinamo Zagreb-in deri në verën e vitit 2024 dhe në drejtim të tij janë duke ardhur oferta të ndryshme nga klube të mëdha evropiane.
Siç shkruajnë mediat gjermane, Livakovic-in tani e kërkon skuadra e Bayern Munich.
Bavarezët duhet të bëjnë pa numrin një të tyre në pjesën e mbetur të sezonit, pasi Manuel Neuer pësoi një dëmtim duke skijuar.
Tani ata kërkojnë ta marrin portierin e kombëtares kroate, që gjithashtu mund të shihet e ardhmja në portën e tyre, pasi që Neuer tani më i ka mbushur 36 vjet.
Mediat gjermane theksojnë se Bayern do ta bëjë një ofertë në afatin kalimtar të janarit për portierin e Dinamo Zagreb.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Shqipëria dhe Kosova kanë numrin më të lartë të azilkërkuesve në vendet e BE-së
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel
