Kreu i Partisë Demokratike, Lulzim Basha, pas takimit me të dërguarin e Posaçëm të Shteteve të Bashkuara të Amerikës, Gabriel Escobar, ka mbajtur një deklaratë për mediat.
Ai e ka cilësuar 9 dhjetorin, si ditë të rëndësishme, pasi lufta për korrupsionin është në interesin e SHBA-ve dhe Shqipërisë.
Basha ka sjellë në vëmendje propozimet e bëra nga PD-ja në gjithë këto vite kundër kësaj lufte, duke filluar me atë për vetting-un në politikë.
Kryedemokrati u shpreh se Escobar i mbështeti këto propozime dhe se, së shpejti, do të udhëtojë drejt Washington-it në një vizitë zyrtare.
Kjo pasi, sipas Bashës, është një ftesë e përsëritur.
Fokus i vizitës së tij atje do të jenë mënyrat sesi të shtyhen përpara objektivat e PD-së.
Por, gjithashtu, edhe “dalja nga kjo gjendje dëshpërimi, plogështie që ka shkaktuar 25 prilli, dhe ecja e Shqipërisë përpara me reforma, zgjedhje të lira e të ndershme”.
“Duhet t’i japim fund pandëshkueshmërinë dhe këtë e pamë edhe me sanksionet në Kosovë”, tha Basha, duke shtuar se pandëshkueshmëria ishte në fokus të diskutimit.
I pyetur nëse ka diskutuar me Escobar-it për shpalljen persona non grata të ish-kryeministrit Sali Berisha, Basha theksoi se do ta dëgjoni prej vete të dërguarit.
Nuk kishte si të mungonte as çështja e Kosovës.
Basha ka theksuar se ia ka bërë të qartë Escobar-it moscenueshmërinë e Kosovës, edhe për këtë ka marrë mbështetjen e tij.
Nga ana tjetër, Gabriel Escobar shprehu kënaqësinë dhe angazhimin ndaj integrimit evropian, si dhe luftën kundër korrupsionit.
Në vizitën e tij të parë në Shqipëri, e cila nisi me opozitën ai ravijëzoi se, “ jam shumë i kënaqur që jemi pjesë e saj, përfshirë dhe pikën tonë të fortë kundër korrupsionit dhe sanksioneve”.
Për sa i përket kësaj të fundit, ai shtoi se do të ketë angazhim të vazhdueshëm për ta kthyer në realitet.
Zyrtari i Lartë ishte i shoqëruar nga ambasadorja e SHBA-ve në Tiranë, Yuri Kim.
Kjo vizitë ka ardhur vetëm dy ditë para mbledhjes së Kuvendit Kombëtar të thirrur nga ish-lideri i PD-së, Sali Berisha.
Pas vizitës me kryedemokratin, i dërguari i Posaçëm i SHBA-ve do të vijojë takimin me ministren për Evropën dhe Punët e Jashtme, Olta Xhaçka.
Gjatë pasdites, ai do të takojë edhe kryeministrin e Shqipërisë, Edi Rama.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Beci: Të tronditur nga humbja e një nëne dhe tre fëmijëve, institucionet të veprojnë
-
Travel off Path: Shqipëria, destinacioni me rritjen më të shpejtë në Evropë
-
Për britaniken Express, Dhërmiu është destinacioni më i bukur evropian për pushimet 2024
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Mesazhi i Kurtit në 75-vjetorin e Këshillit të Evropës: Kosova – vend që plotëson kriteret e anëtarësimit