Barcelona identifikon zëvendësuesin e Lewandowski-t në Portugali

Barcelona tashmë është duke menduar për të ardhmen e sulmit të saj dhe ka filluar të skanojë tregun e transferimeve në kërkim të një lojtari që mund të trashëgojë pozicionin e Robert Lewandowski-t.

Në moshën 36-vjeçare dhe me një kontratë që skadon në dy sezone, sulmuesi polak mund të jetojë momentet e tij të fundit në “Camp Nou”.

Megjithëse Lewandowski vazhdon të performojë në një nivel të jashtëzakonshëm, mosha e tij dhe kërkesat e futbollit modern e bëjnë të pamundur vazhdimësinë e tij afatgjatë.

Nisur nga kjo situatë, drejtuesit sportiv të Barçës i kanë vënë sytë te Viktor Gyokeres, sulmuesi suedez i cili aktualisht luan për Sporting CP, raportojnë mediat në Spanjë.

Gyokeres është kthyer në një nga sulmuesit më në formë në Evropë, duke qenë një nga zbulimet e këtij sezoni.

Në gjashtë ndeshjet zyrtare që ka luajtur deri më tani, ai ka shënuar tetë gola dhe ka dhënë tre asistime, shifra që nuk kanë kaluar pa u vënë re nga klubet e mëdha të kontinentit.

Barcelona dëshiron të kalojë përpara konkurrencës dhe të pozicionohet si një kandidat i fortë për të marrë shërbimet e sulmuesit suedez. Aftësia e shënimit dhe profili fizik i Gyokeres e bëjnë atë një opsion tërheqës për të zëvendësuar Lewandowski-n kur të vijë koha.

Për më tepër, rinia dhe projeksioni i tij e bëjnë atë një investim interesant për të ardhmen.

Barça e di se nuk do të jetë e lehtë për ta marrë atë, pasi disa klube të nivelit të lartë janë gjithashtu të interesuara për nënshkrimin e tij. Megjithatë, klubi katalanas është i gatshëm të studiojë opsionet e disponueshme për të siguruar suedezin.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.