![](https://albanianpost.com/wp-content/uploads/2023/03/3457298-70531135-1600-900.jpg)
Sergio Busquets me shumë gjasë do të vazhdojë të luajë te Barcelona edhe në sezonin e ardhshëm.
Veterani spanjoll është në vitin e fundit të kontratës me klubin e tij, por mediat në Spanjë raportojnë që atij do t’i ofrohet opsioni për ta vazhduar atë edhe për një vit tjetër, pra deri në verën e vitit 2024.
34-vjeçari ishte i lidhur me një transferim në futbollin amerikan te skuadra e Inter Miami-t, por duket që ai do ta refuzojë atë ofertë, për të qëndruar edhe një vit te skuadra e tij.
Në anën tjetër, edhe skuadra arabe, Al Nassr thuhet se i ka ofruar atij një kontratë të majme, por mbetet të shihet se cila do të jetë e ardhmja e tij pasi ta përfundojë karrierën te klubi ku u rrit.
Understand there’s still nothing agreed between Sergio Busquets & Inter Miami at this stage — no decision made 🔵🔴🇪🇸 #FCB
Barcelona will offer him new deal valid until June 2024 — Busquets will take his time to decide, as Al Nassr have also approached him weeks ago. pic.twitter.com/MeHe0I9PHP
— Fabrizio Romano (@FabrizioRomano) March 13, 2023
Kujtojmë që Busquets është produkt i akademisë së Barcelonës, i cili iu bashkua ekipit të parë në verën e vitit 2008.
Deri më tani ai ka luajtur në 712 ndeshje me fanellën e Barçës, prej të cilave numëron 18 gola dhe 44 asistime.
Tre Liga të Kampionëve, tetë La Liga janë disa prej trofeve që ai ka fituar me fanellën e klubit katalanas.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com