“Barbie” ia kalon “The Avengers”, bëhet publikimi i 11-të amerikan me fitimin më të madh në histori

Filmi “Barbie” i regjisores, Greta Gerwig ka gjeneruar 626 milionë dollarë në arkat e brendshme, duke kaluar atë të Marvelit të vitit 2012, “The Avengers” (623 milionë dollarë) si filmi i 11-të me fitimet më të larta në histori.

Për të thyer top 10-shen, “Barbie” do të duhet të kalojë “Jurassic World” të 2015-ës (Nr. 10 me 653 milionë dollarë), “Titanic” (Nr. 9 me 674 milionë dollarë), “Avengers: Infinity War” (Nr. 8 me 678 milionë dollarë) dhe “Avatar: Rruga e ujit” (Nr. 7 me 684 milionë dollarë).

Asnjë nga këto shitje biletash nuk u përshtat për inflacionin, shkruan Variety, transmeton AlbanianPost.

“Barbie” është tashmë filmi amerikan me fitimin më të lartë të vitit.

Filmi senzacional ka fituar 1.4 miliardë dollarë globalisht dhe javë më parë ka tejkaluar “The Super Mario Bros. Movie” (1.35 miliardë dollarë) si publikimi më i madh në mbarë botën i vitit 2023.

Është publikimi i 14-të më i madh global i të gjitha kohërave, pas ” Frozen II” (1.453 miliardë dollarë) dhe “Top Gun: Maverick” (1,495 miliardë dollarë).

“Barbie” filloi shfaqjen e tij rekord teatrale në korrik, duke arritur debutimin më të madh të vitit (162 milionë dollarë).

Ai mbeti filmi numër 1 për katër fundjavë radhazi dhe në pesëshen e parë për më shumë se dy muaj.

Po ashtu, “Barbie” gjithashtu fitoi fundjavën më të madhe të hapjes për një film me regji të një gruaje dhe u bë filmi me fitimin më të madh i drejtuar vetëm nga një grua – Gerwig shkroi skenarin me Noah Baumbach.

Margot Robbie dhe Ryan Gosling luajnë versionet stereotipike të Barbie dhe Ken, të cilët lënë pas realitetin e tyre në dukje të përsosur për t’u përballur me të mirat dhe të ultat e jetës në botën reale.

Kastën e përfundojnë America Ferrera, Issa Rae, Will Ferrell, Kate McKinnon, Simu Liu dhe Michael Cera.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.