Ish-presidenti Barack Obama dhe ish-zonja e parë Michelle Obama u kthyen në Shtëpinë e Bardhë të mërkurën për zbulimin zyrtar të portreteve të tyre.
Kjo, duke zbuluar pikturat që do të varen në Shtëpinë e Bardhë për vitet në vijim.
Lajmi u bë i ditur nga transmetuesi amerikan “CBS News”.
Mikpritësit ishin presidenti amerikan Joe Biden dhe zonja e parë Jill Biden.
Kjo ishte vizita e parë e Michelle Obama-s në Shtëpinë e Bardhë qëkurse burri i saj la detyrën në vitin 2017.
Ish-presidenti vizitoi Shtëpinë e Bardhë në muajin prill për përvjetorin e miratimit të një ligji.
“Barack dhe Michelle, mirë se vini në shtëpi”, i tha Biden çiftit Obama të mërkurën. “Miresevjen në shtëpi”.
Biden e lavdëroi ish-shefin e tij, duke i thënë se “asgjë nuk mund të më kishte përgatitur më mirë apo më shumë për t’u bërë president i Shteteve të Bashkuara sesa të isha pranë jush për tetë vjet, dhe këtë e them nga thellësia e zemrës sime”.
Artisti Robert McCurdy pikturoi ish-presidentin dhe Sharon Sprung pikturoi ish-zonjën e parë.
Portreti i ish-presidentit e paraqet atë me një kostum të zi me një kravatë gri, në stilin fotorealist të artistit.
Portreti i zonjës Obama e tregon atë me një fustan blu, të ulur në një divan të kuq në dhomën e kuqe.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Meta paralajmëron të tjera dosje të nxehta nga SPAK, më të mëdha se “5D” e Bashkisë Tiranë
-
Ngrihet Kryesia Ekzekutive e Partisë së Lirisë
-
Kearns kërkon të publikohen të gjeturat e sulmit në Banjë, kërkon që Kosovës mos t’i bëhet presion për Asociacionin
-
“Serbia s’radhitet në mesin e shteteve që ndërtojnë të ardhmen mbi vlera njerëzore” – kërkohet drejtësi për masakrën në Studime