Balla në takimin me të dërguarin e Zelensky-t në Shqipëri: Aktet gjenocidale s’do mbeten pa u ndëshkuar
Taulant Balla, Kryetari i Grupit Parlamentar të Partisë Socialiste, ka pritur në një takim në Kuvendin e Shqipërisë të Dërguarin Special të Presidentit të Ukrainës, Volodymyr Zelenskyy, Anëtarin e Delegacionit të Bisedimeve të Paqes, deputetin Rustem Umerov.
Balla, përmes një postimi në Facebook, ka shkruar se Shqipëria dënon ashpër agresionin e paprovokuar dhe të pajustifikuar të Ukrainës nga Rusia.
“Ne qëndrojmë në krah të popullit ukrainas dhe e konsiderojmë këtë agresion si një sulm kundër lirisë dhe demokracisë”, ka deklaruar ai.
Për Ballën, “krimet e rënda kundër njerëzimit dhe aktet gjenocidale si ato në Bucha nuk do të mbeten në asnjë rast pa u hetuar dhe pa u ndëshkuar urdhëruesit dhe autorët”.
“Aleanca jonë NATO do të vazhdojë të mbështesë Ukrainën me asistencë në siguri për të luftuar agresionin rus dhe për të mbështetur të drejtën e tyre për vetëmbrojtje”, ka shtuar ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Balla takim me Kryetarin të Bashkisë së New Yorkut: Mik i veçantë dhe mbështetësi komunitetit shqiptar
-
40 % e hyrjeve në pallate janë bosh, tregon Censi
-
Denaj takim me Pecin në Kosovë: Forcojmë bashkëpunimin në sektorin bujqësor mes dy vendeve
-
Korça me uljen me të pakët të popullsisë në krahasim me gjithë qytetet shqiptare