Babai i Liridona Ademaj dyshon se Naim Murseli organizoi vrasjen e saj për t’ia marrë paratë e sigurimit në Suedi
Hajdar Ademaj, babai i Liridona Ademaj, e cila u vra të mërkurën dhe që dyshohet se vrasja u porosit nga burri i saj, Naim Muresli, ka thënë se dyshon se ngjarja mund të jetë bërë shkaku i përfitimit nga sigurimi jetësor që Liridona ka në Suedi.
“E di që vajza ka qenë e siguruar atje ku ka qenë, pra në Suedi. Atje ka sigurim të madh. Po ta gjen ndonjë gjë, merrë para të mëdha”, tha babai i Liridonës për “News24”.
E, vazhdoi Ademaj, “unë veç qaty dyshoj se për me mbyt këtë, me ja marrë qatë sigurim, asgjë tjetër”. “Krejt katundi, e krejt farefisi e di se çfarë vajze kam pasur unë”, shtoi.
I pyetur nëse ndonjëherë vajza e tij Liridona ka pasur probleme me bashkëshortin e saj Naimin – i dyshuar se ka porositur vrasjen e gruas së tij – Ademaj mohoi një gjë të tillë.
“Asnjëherë, asnjëherë”, insistoi ai.
“S’ka paqe pa sigurinë e grave”, të martën protestohet në Prishtinë pas vrasjes së Liridona Ademaj
Çfarë ndodhi?
Të mërkurën në mbrëmje u vra Liridona Ademaj në fshatin Sinidoll të Prishtinës.
Rasti fillimisht u cilësua si vrasje gjatë një grabitjeje të armatosur.
Dy ditë më vonë Policia e Kosovës arrestoi dorasin si dhe bashkëshortin e saj, Naim Murselin, si të dyshuar për vrasjen.
Dorasi i arrestuar, i tregoi Policisë së Kosovës, se u pagua nga bashkëshorti i viktimës për të kryer vrasjen.
Bashkëshorti gjatë intervistimit nga hetuesit, të premten, pranoi se e ka porositur vrasjen e gruas së tij.
Nga deklarimi i bashkëshortit u mësua se ia kishte dhënë dorasit 15 mijë euro para vrasjes, e 15 mijë euro të tjera do t’ia jepte pas kryerjes së veprës.
Në anën tjetër një i dyshuar i tretë u vu nën pranga në orët e vona të së premtes.
Ai dyshohet se ka lidhje me vrasjen e gruas në Prishtinë.
Për një dekadë mbi 50 raste të vrasjeve të grave nga bashkëshortët
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel
-
Basha i reagon Gutierrezit: Me “boll më” mund t’u drejtohesh veç fëmijëve – unë jam deputet i pavarur në mendime
-
Pjesëmarrje masive në tubimin qendror të Frontit Evropian në Tetovë
-
Mesazhi i Kurtit në 75-vjetorin e Këshillit të Evropës: Kosova – vend që plotëson kriteret e anëtarësimit
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel