Avokati i Popullit i drejtohet Qeverisë së Kosovës: Të rishqyrtohet masa e kufizimit të lëvizjes

Masa e kufizimit të qarkullimit nga ora 22:00 deri në orën 05:00 për qytetarët e Kosovës sipas Avokatit të Popullit duhet të rishqyrtohet në atë mënyrë që në vend të kësaj të fuqizohen mekanizmat e kontrollit sanitar dhe inspektoratet.

“Në mënyrë që të ushtrohen kontrolle më të shpeshta për të vlerësuar nëse janë duke u zbatuar masat e përgjithshme kundër COVID-19”, thuhet në opinionin e Avokatit të Popullit lidhur me masat e fundit anti-COVID, të ndërmarra më 21 janar të këtij viti, si pasojë e rritjes së rasteve ditore me koronavirus.

Ky opinion po ashtu thekson se praktikat e vendeve të rajonit tregojnë se asnjëra prej tyre nuk kërkon nga qytetarët që hyjnë në territoret e tyre t’i kenë tri doza të vaksinës.

“Opinioni gjen se pjesa më e madhe e shteteve, që nga fillimi i pandemisë, në hyrje-dalje të kufijve të tyre i kanë pranuar testet “antigen”, të cilat janë më të shpejta dhe më të përballueshme për xhepin e qytetarëve. Ndërsa në pikat kufitare të Kosovës, qytetarëve u kërkohet testi RT-PCR, i cili është dyfish më i shtrenjtë dhe merr më shumë kohë për t’u përpunuar në laborator”, thuhet më tej në opinion.

Ndryshe, më 21 janar Qeveria e Kosovës vendosi masa të reja kufizuese antiCOVID, pas rritjes së rasteve që pati në fillim të vitit 2021. Me masat e reja, ndalohet lëvizja e qytetarëve pas orës 22:00 deri në ora 05:00, e po ashtu kufizime ka edhe në sektorin e gastronomisë, ku pas orës 21:00 ndalohet së funksionuari ky sektor.

Murati ka thënë se një prej masave shtesë do të jetë edhe subvencionimi i atyre që arrijnë ta kursejnë energjinë elektrike.

“Kushdo që arrin ta ulë konsumin në raport me muajin e njëjtë të vitit paraprak, do të subvencionohet. Nëse një familje shpenzon 10 për qind më pak në kilovatë orë gjatë ditës, e njëjta përqindje do të subvencionohej prej shtetit në tërë faturën që ka ajo familje për atë muaj”.

“Për shembull, nëse një familje ka shpenzuar 100 euro në shkurtin e vitit të kaluar, dhe këtë vit arrin ta ulë konsumin në 90 euro, do të marrë edhe po aq nga shteti, dmth do të kursejë dyfish”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.