Ish-presidenti i Kosovës, Hashim Thaçi, me kërkesën e avokatit kryesor të tij, Gregory Kehoe, e ka aprovuar kërkesën që Kehoe të asistohet nga avokati Luka Misetiç, është bërë e ditur në faqen zyrtare të Dhomave të Specializuara në Hagë.
Dyshja Kehoe-Misetiç, kanë mbrojtur ish-gjeneralin kroat Ante Gotovina në Tribunalin Special për Ish-Jugosllavinë, ku ky i fundit u shpall i pafajshëm.
Thaçi dhe ish-krerët e tjerë të Ushtrisë Çlirimtare të Kosovës, ish-kryetari i Partisë Demokratike të Kosovës, Kadri Veselit, Jakup Krasniqit dhe Rexhep Selimit akuzohen se si drejtues të UÇK-së kishin kryer krime kundër njerëzimit gjatë luftës së fundit në Kosovës.
Katër krerët e UÇK-së po mbahen në paraburgim në Hagë që nga koha e konfirmimit të aktakuzës, nëntor 2020.
Dhomat e Specializuara dhe Zyra e Prokurorit të Specializuar – që ndryshe njihen edhe si Gjykata Speciale – hetojnë krimet e pretenduara të pjesëtarëve të ish-Ushtrisë Çlirimtare të Kosovës, të kryera kundër pakicave etnike dhe rivalëve politikë që nga janari i vitit 1998 e deri në dhjetor të vitit 2000.
Këto krime të pretenduara përmenden në një raport të Këshillit të Evropës, të vitit 2011, autor i të cilit është senatori zviceran, Dick Marty.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
