![](https://albanianpost.com/wp-content/uploads/2024/05/kosova-nato.jpg)
Kosova do të jetë në agjendën e Asamblesë Parlamentare të NATO-së, e cila do të mblidhet këtë fundjavë në Sofje të Bullgarisë.
Lajmin e ka bërë të ditur Asambleja Parlamentare e NATO-së.
“Do të vendosin për kërkesat e Maltës dhe të Kuvendit të Kosovës për t’u bërë delegacione të anëtarëve të asocuar”.
“Sfidat e vazhdueshme në Ballkanin Perëndimor do të trajtohen, ashtu si edhe strategjitë për mbështetjen e partnerëve në rrezik dhe për rritjen e angazhimit me Jugun Global”, thuhet në komunikatën e asamblesë.
Instituti Ndërkombëtar për Siguri në Serbi, ishte angazhuar për ta penguar avancimin e Kosovës në këtë organizë, këtë e kishte bërë përmes thirrjeve ku thoshte se “do të ishte e dëmshme si për Asamblenë Parlamentare të NATO-s, ashtu edhe për proceset e stabilizimit dhe integrimin euroatlantik të Ballkanit Perëndimor”.
“Demokracia në Kosovë nuk është funksionale. Institucionet e saj janë të ngarkuara me një nivel jashtëzakonisht të lartë të korrupsionit dhe praktikave të tjera jodemokratike, ndërsa të drejtat e komuniteteve pakicë, veçanërisht ato serbe, nuk mbrohen”, kishte thënë ky institut.
Më 12 mars, ministrja e Punëve të Jashtme dhe Diasporës, Donika Gërvalla, kishte nënvizuar se është i domosdoshëm përparimi i proceseve integruese deri në anëtarësim të plotë të Kosovës.
Katër vende anëtare të NATO-s – Spanja, Sllovakia, Rumania dhe Greqia – nuk e njohin pavarësinë dhe sovranitetin e Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Qeveria: Raportin për Banjën e kemi dorëzuar në BE qysh në vitin e kaluar
-
Serbia e gatshme për një “marrëveshje kompromisi” me Kosovën, thotë Vuçeviç
-
“Hajnat në burg”, thotë Krasniqi pas nisjes së hetimeve nga Prokuroria Speciale për ambalazhuesit e ujit
-
“Situata e sigurisë dhe dialogu”, diskutohet mes Ulutasit dhe Hysenit
Lajmet kryesore
-
Kurti u bën thirrje shteteve anëtare të BE-së ta dëgjojnë Borrellin
-
Skandali te Onkologjiku, Koçiu: Ngjarje e paprecedentë, personat e përfshirë do të dënohen sipas ligjit
-
Antonio Costa do të drejtojë Këshillin Evropian, bien dakord liderët e BE-së
-
Qeveria: Raportin për Banjën e kemi dorëzuar në BE qysh në vitin e kaluar