Anëtarët e Muzeut të Lumit Po të Luftës së Dytë Botërore e dinin se automjeti i ushtrisë gjermane “Sd.Kfz.11” kishte qenë i fshehur në rërë për pak më pak se tetëdhjetë vjet. Dhe pasditen e 25 marsit, stafi i Muzeut, i cili ndodhet në provincën e Mantuas, Itali, morën vetëm një moment për të kuptuar se ia kishin dalë për ta nxjerrë atë në dritë.
Nga rëra e lumit Po, i cili për javë të tëra po kalon një periudhë thatësie të jashtëzakonshme, kishte filluar të dilte një copë metali: treguesi i parë që makineria e ushtrisë gjermane daton që nga Lufta e Dytë Botërore, ishte atje.
Gjetja
Mejtin ushtarak e zbuloi Samuele Bernini, një nga anëtarët më aktivë të muzeut Felonichese, i cili është edhe restaurues. Thashethemet u përhapën brenda një kohe të shkurtër dhe partnerët iu futën menjëherë punës deri në orët e vona të së premtes në mbrëmje, fillimisht me lopata, e më pas me një ekskavator. Dhe pastaj, të dielën në mëngjes, anëtarët e muzeut në një kohë shumë të shkurtër arritën të çlirojnë automjetin e luftës nga rëra dhe uji i lumit Po.
“Është një makineri gjermane Sd.Kfz.11, i fotografuar edhe nga Forcat Mbretërore të Italisë (RAF) më 25 prill 1945”, shpjegon drejtoresha dhe kuratorja e muzeut Simone Guidorzi
Mbetjet
Rimëkëmbja u bë pas dy ditësh operacionesh shumë komplekse për faktin se ekskavatorët ishin në një terren jokonsistent. Tashmë automjeti do t’i nënshtrohet një restaurimi dhe studimi të kujdesshëm nga stafi italian dhe më pas do të ekspozohet për publikun “sa më shpejt të jetë e mundur”, shkruajnë mediat vendase.
Vetëm javën e kaluar midis Pomponesco-s, në provincën e Mantua-s, dhe Gualtieri-t, në provincën e Reggio Emilia, bregu i Po-së rishfaqi një varkë mallrash italiane, e cila ishte fundosur në kulmin e një përplasjeje në vitin 1945, në fund të Luftës së Dytë Botërore. Mungesa e shiut, e cila po zgjat prej javësh, e ka ulur nivelin e lumit Po në shkallë rekord dhe aty-këtu historia po rishfaqet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gantz: Kërkojmë një plan për Gazën deri më 8 qershor ose do të largohemi nga qeveria
-
Të punosh në Vatikan: Vetëm një ditë leje për lindjen e fëmijëve, sanksione edhe për sjelljen në jetën private
-
Osmani takon të dielën Nënsekretaren Allen, nënshkruajnë marrëveshje kundër manipulimit të informacionit
-
Izraeli merr trupin e Ron Binyamin nga Gaza
Lajmet kryesore
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Mbi 16 mijë fluturime janë menaxhuar nga Albcontrol në gjysmën e majit
-
Iran, shtatë persona të varur në një ditë – dy prej tyre, gra
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit