Kancelari i Austrisë, Sebastian Kurz, ka njoftuar të dielën, se do të zgjatet periudha e karantinës deri më datë 7 shkurt.
Sipas tij, ky vendim u mor nga numri i lartë i personave të infektuar me Coronavirus. Këto kufizime vijnë gjithashtu si rezultat i viruseve më infektive që u zbuluan për herë të parë në Britani dhe Afrikën e Jugut.
Ai njoftoi se do të vendoset distanca prej dy metrash, ndryshe nga një metër që ishte më parë.
Duke filluar nga 25 janari, qytetarëve do t’u kërkohet të mbajnë maska mbrojtëse gjatë përdorimit të transportit publik si dhe në ambiente të mbyllura.
Sipas ministrit të Shëndetësisë, Rudolf Anschober, njerëzit me të ardhura të pakta do t’i përfitojnë këto maska falas.
Skema e mbylljes aktuale të Austrisë, filloi në 26 dhjetor dhe duhej të mbaronte më 24 janar. Kurz tha se Austria dëshiron të shmangë një situatë të tillë si ajo në Britani dhe Irlandë, ku infeksionet janë rritur ndjeshëm.
“Deri më tani, Austria ka mbi 150 të dyshuar për infeksione me virusin britanik”, ka theksuar Anschober.
Kurz ka njoftuar që hapja e restoranteve dhe hoteleve do të bëhet më vonë se bizneset e tjera.
“Deri në shkurt të 2021-shit, nuk do të jetë e mundur të hapet turizmi dhe hoteleria” tha ai, duke shtuar se një vendim i dytë do të merret në mes të shkurtit.
Austria, një komb me 8.9 milion banorë, ka konfirmuar gati 390 mijë raste gjashtë mijë e 964 vdekje nga COVID-19./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vuçiç kërkon falje pasi i quajti sllovenët “të neveritshëm”
-
Mexhiti pasi humbi zgjedhjet: Gjithçka po shkon sipas planit, regjimi Ahmeti, Grubi, Osmani do të bjerë
-
Humbi zgjedhjet me rreth 40 mijë vota, Taravari s’tërhiqet: Vazhdojmë
-
Osmani pas fitores: Vetëm fillimi i një kapitulli të ri për një të ardhme të ndritur
Lajmet kryesore
-
Kushtëzimi i BE-së për normalizim të raporteve me Kosovën, “s’mund ta shtyjë” Serbinë ta zbatojë Marrëveshjen Bazë
-
Si arriti Vjosa Osmani t’i fusë 4 gratë e përdhunuara gjatë luftës në Këshillin e Sigurimit përballë Vuçiç
-
Kush është shefi kur bëhet fjalë për mbrojtjen: NATO apo BE?
-
‘Marifeti’ i Bardhit ndaj Olsi Ramës – Prova pa kallëzim, për të shmangur procesin për shpifje
