Audi, pronari i Sauber, është gati t’i lejojë Carlos Sainz-it vetëm një periudhë të shkurtër prej dy javësh për të rënë dakord të udhëheqë projektin e tyre të ardhshëm në Formula 1.
Aktualisht, Sauber lufton jo vetëm për sa i përket shpejtësisë, por gjithashtu po përballet me vështirësi thelbësore në ridizajnimin e një defekti të rrotave që ka ndikuar gjatë vitit 2024.
Sainz, një fitues në Melburn dhe që së shpejti do të ndahet me Ferrarin, në procesin e përzgjedhjes së një ekipi të ri thuhet se ai ëshët në diskutime me Mercedes dhe Red Bull.
“Andreas Seidl dëshiron sigurinë e planifikimit”, sipas “Bild”, duke theksuar kërkesat e CEO-së së Sauber për një vendim të shpejtë.
“Auto Motor und Sport” thuhet se ka vendosur një afat në mes të prillit për 29-vjeçarin spanjoll për të deklaruar synimet e tij për sezonin 2025 e në vazhdim.
I njëjti burim konfirmon pozicionin me sa duket të sigurt të pilotit aktual të Haas-it, Nico Hulkenberg në makinën tjetër të ekipit.
Gjatë gjithë garave të këtij viti, Sainz është shoqëruar nga babai i tij, Carlos Sainz Sr., i cili është përfshirë aktivisht në negociatat për angazhimin e ardhshëm të djalit të tij në F1.
“Është e vështirë të thuhet se ku do të jetë djali im në vitin 2025”, tha Sainz Sr. për “Sky Italia”. “Shpresoj ta shoh atë në një makinë që mund të luftojë për të fituar”.
“Gjithçka që ndodhi (me Ferrarin) ishte një surprizë, nuk e prisnim dhe tani po përpiqemi të kuptojmë se çfarë të bëjmë dhe ku të shkojmë”, shtoi ai.
Kthesa e papritur e ngjarjeve të Sainz-it në parasezon ishte vendimi i Ferrarit për të afruar Lewis Hamilton-in për vitin 2025.
Christian Danner, një ish-pilot i F1, kritikoi zgjedhjen e Ferrarit: “Ata firmosën shoferin e gabuar”, duke iu referuar vendimit që përfshin Ferrarin, Sainz dhe Hamilton.
Danner beson se drejtuesi i ekipit të Ferrarit, Frederic Vasseur, “duhej të kishte pritur edhe pak”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
