Atletico Madrid u eliminua nga Champions League nga Borussia Dortmund. Ishte një natë negative, e cila megjithatë solli edhe një lajm të mirë për spanjollët, të cilët falë eliminimit të njëkohshëm të Barcelona-s, fitojnë të drejtën për Botërorin e Klubeve 2025.
Në fakt, Atletico ishte protagonist i një dueli spanjoll në distancë me katalanasit për vendin e fundit të përcaktuar nga renditja për të fluturuar drejt Shteteve të Bashkuara për turneun e ri të krijuar nga FIFA.
Prandaj, dy skuadrat nga Madridi (së bashku me Real Madrid) do të përfaqësojnë Spanjën në turne, i cili do të përballë me njëra-tjetrën 32 skuadra nga e gjithë bota.
Atletico Madrid, pra, bëhet skuadra e njëmbëdhjetë e UEFA-s që siguron një vend në Kupën e Botës për Klube 2025. Skuadra e Diego Simeone-s është gjithashtu e fundit që kualifikohet përmes renditjes, ndërsa një vend i mbetet fituesit të këtij edicioni të Champions League.
Për momentin skuadrat e kualifikuara të UEFA-s janë: Chelsea, Manchester City, Real Madrid, Atletico Madrid, Bayern Munich, Borussia Dortmund, PSG, Inter, Juventus, Porto dhe Benfica.
Por mes skuadrave të mbetura, vetëm Arsenal-i do të shtohej në rast të fitores përfundimtare, duke qenë se të gjitha të tjerat tashmë e kanë të garantuar pjesëmarrjen në turneun e FIFA-s.
Pra, nëse “Topçinjtë” e Mikel Arteta-s do të triumfonin në këtë Champions League, do t’i hapeshin dyert e Kupës së Botës për Klube.
Po sikur një tjetër ekip të triumfonte dhe jo Arsenal-i?
Për të plotësuar listën e 12 skuadrave të UEFA-s, renditja speciale që përfshin skuadrat evropiane do të merrte ekipin e parë nga një komb që nuk ka tashmë dy kualifikuese për Kupën e Botës për Klube. Duke respektuar këtë kriter në listë është Salzburg-u.
Kështu që austriakët për të fluturuar në Shtetet e Bashkuara në verën e vitit 2025 duhet të shpresojnë që Arsenal-i të mos e fitojë Champions League 2023-24.
Ekipet e kualifikuara jashtë kontinentit Evropianë janë:
CONMEBOL: Palmeiras, Flamengo, Fluminense. Mbetet ende një vend për tu përcaktuar;
CAF: Al Ahly, Wydad AC. Mbetet ende një vend për tu përcaktuar;
AFC: Al Hilal, Urawa Red Diamonds. Mbetet ende një vend për tu përcaktuar;
CONCACAF: Monterrey, Seattle Sounders, Club Leon. Mbetet ende një vend për tu përcaktuar;
OFC: Auckland City.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE
