Atletico Madrid-i e ka nisur merkaton e janarit duke transferuar një sulmues. Pas largimit të Dego Costa-s, vendi i tij mbeti bosh. Diego Simeone ka kërkuar që vendin e të larguarit Costa ta marri Moussa Dembele i Lyon-it.
Francezi 24-vjeçar, ishte pjesë e Lyon-it, që nga 2018, kohë kur u transferua nga skocezët e Celtic-ut.
Dembele është marrë në huazim me të drejtë blerje, për rreth 34 milionë euro. Për huazimin Atletico ka paguar një milion e gjysëm euro.
Me Lyon-in sulmuesi ka 108 paraqitje, 45 gola dhe 13 asiste, në të gjitha kompeticionet.
Ndërkohë Atletico Madrid-i në një deklarat në mediat sociale, ka prezantuar futbollistin duke thënë:
“Me ardhjen e Dembele-s, ne do të shtojmë një futbollist të ri, por me përvojë, i cili është i fortë fizikisht dhe di të shënojë. Gjatësia dhe shpejtësia janë pika të forta për të”.
Lyon-i gjithashtu nuk ka humbur kohë dhe ka zyrtarizuar zvendësuesin e Dembele-s, Islam Slimani-n./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
