Pasi eliminoi Barcelonën një raund më herët, skuadra e Athletic Blilbao-s e ka mposhtur në gjysmëfinalen e Kupës së Mbretit skuadrën e Real Madrid-it me rezultat 0:1.
Bilbao e nisi më mirë ndeshjen duke rrezikuar në minutat e para të sfidës, por tentimi i Dani Garcia-s ishte i pasaktë në minutën e 10-të të takimit.
I njëjti lojtar edhe pas tre minutash rrezikoi, ndërsa pas tij ishte radha e Iker Munain, por asnjëri nuk qëlluan portën.
Pjesa e dytë ishte me disa raste të mira për dyja skuadrat, me Bilbao-n që përsëri rrezikoi portën e madrilenëve, mirëpo sulmuesi Raul Garcia edhe këtë herë nuk u tregua i saktë.
Në minutën e 51-të, Bilbao kërkoi penallti pas një prekje me dorë në zonë të mbrojtësit Nacho, por pas shikimit në VAR, nuk u vendos për një gjë të tillë.
Kur u mendua qe skuadrat do të shkonin drejt vazhdimeve, në skenë doli Alex Berenguer i cili shënoi një gol shumë të bukur në hyrje të zonës, në minutën e 89-të, gol ky që doli të jetë i eliminimit për Real-in.
https://twitter.com/FootbaIlForYou/status/1489363811773476865?s=20&t=lA7MVTdADT6P16WHqQQfGg
Deri në fund mbretërit u munduan të barazonin rezultatin, por nuk ia arritën, kështu duke u eliminuar nga Kupa e Mbretit.
Tani Bilbao, pasi eliminoi gjigandët si Real-i e Barça, në gjysmëfinale do të ballafaqohet me një skuadër më të lehtë, pasi që Valencia, Real Betis e Rayo Vallecano janë ekipet që mund të ndeshet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
Bardhi: Dënoj me forcë aktin kriminal ndaj gjyqtarit Sterkaj
-
Australianët bëjnë thirrje për ligje më të ashpra për dhunën ndaj grave
-
“Në ring s’na ka mposhtur askush”, Ahmeti, VMRO-së: Më 24 prill u përballëm me VLEN-in, më 8 maj me ju
