I vetmi limit i mbetur për Elon Musk, është që ai të bëhet trilioneri i parë në botë, pasi shifrën e pasurisë së tij, nuk e ka arritur askush më parë.
Sa? 302 miliardë dollarë!
Nuk ka më as Jeff Bezos, as Bernard Arnauld e aq më pak Bill Gates. Asnjë prej tyre nuk kalon më as shifrën prej 200 miliardësh.
Kjo rritje e Musk erdhi vetëm brenda pak ditësh, ku manjati amerikan me origjinë nga Afrika e Jugut, fitoi mbi 90 miliardë dollarë. Vetëm në 24 orët e fundit, ai fitoi 10 miliardë të tjera.
Kompania e tij e automjeteve, Tesla, u rrit margjinalisht të enjten, pas investimeve të shumta në të.
Nëse do ta vendosim në perspektivë pasurinë e tanishme të Musk, ai vlen sa Finlanda, Kili apo Vietnami. Vlera e tij tërësore e tejkalon atë të Netflix dhe PayPal.
Pavarësisht faktit se renditja e revistës prestigjoze Forbes ende nuk është përditësuar, të dhënat janë krahasuar nga gjigandi mediatik amerikan CBS, i cili mbulon sektorë të tregjeve dhe ekonomisë.
Problemi i vetëm që mund t’i shkaktojë një dëm të madh Elon-it, mund të jenë taksat. Demokratët kanë ndër mend t’i taksojnë miliarderët me shuma marramendëse dhe nëse pasuria e “njeriut të qiejve” mbetet në këtë shumë, atij mund t’i duhet të paguajë 50 miliardë dollarë taksa.
Por, nëpërmjet Twitter-it, ai e ka bërë të qartë qëndrimin e tij: Ta harroni!
Aq, Musk-ut mund t’i kushtojë misioni i parë i dërgimit të njerëzve në Mars.
Ndaj, më mirë që dollarët t’i mbajë në xhep. Të paktën, për momentin!
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Planet e zgjerimit të BE-së mund të testojnë nëse Unioni ende funksionon
-
Begaj garanton Lajçakun se Shqipëria do të luajë rolin e saj për uljen e palëve në dialogun Kosovë-Serbi
-
Kryeministri polak i ashpër ndaj Zelenskyt: Mos i fyeni më kurrë polakët
-
Osmani shpreson që shtetet e Organizatës së Bashkëpunimit Islamik ta njohin Kosovën
