![](https://albanianpost.com/wp-content/uploads/2024/05/387468211_3615916912071046_5230719258113551998_n.png)
Vetëm 1.6 milionë banorë të Kosovës, supozohet se kanë marrë pjesë në procesin e regjistrimit të popullsisë, sipas pritshmërive të Agjencisë së Statistikave të Kosovës.
Lajmin e ka bërë të ditur drejtori i Agjencisë së Statistikave të Kosovës (ASK), Avni Kastrati, pas përfundimit të procesit të regjistrimit të popullsisë i cili mbaroi më 24 maj.
Ai në një konferencë për media ka bërë të ditur se në muajin korrik do të publikohen rezultatet e para nga ky proces.
“Qytetarët të mos presin që të t’i publikojmë rezultatet të nesërmen. Rezultatet e para pritet të publikohen pas gjashtë muajsh, të dhënat e para publikohen në pjesën e parë të muajit korrik. Pritjet janë që Kosova do t’i ketë 1.6 milionë banorë”, ka deklaruar ai.
Ai shtoi se s’do të ketë një regjistrim tjetër i cili do t’ua mundësojë serbëve në komunat veriore që të regjistrohen.
Duke sqaruar se “regjistrimi i ardhshëm në Kosovë, pritet të mbahet në vitin 2031”.
Regjistrimi i popullsisë nisi më 5 prill.
Fillimisht ishte caktuar që të përfundonte më 17 maj, por pas kërkesave të disa komunave, procesi u shty deri më 24 maj.
Lista Serbe – partia kryesore e serbëve në Kosovë e cila gëzon mbështetjen e Beogradit – kishte thënë se serbët nuk do të merrnin pjesë në procesin e regjistrimit të popullsisë, dhe ashtu ndodhi.
Regjistrimi i fundit i popullsisë në Kosovë, në vitin 2011, nuk ishte mbajtur në katër komunat në Veri – Mitrovicë e Veriut, Leposaviq, Zubin Potok dhe Zveçan – të banuara me shumicë serbe, ndërsa serbët nga komunat e tjera në jug, me ftesë të Beogradit, kryesisht e kishin bojkotuar procesin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Taravari takon Vitinë, flasin për afrimin edhe më të madh mes Kosovës dhe RMV-së
-
Kushtuesja ia shpallë qeverisë “të pavlefshëm në tërësi” Ligjin për Byronë
-
Takimi Kurti – Vuçiç, Rashiç: Një lëvizje drejtë negociatave më intensive
-
Borrell: Zotimet e Kosovës dhe Serbisë në dialog s’do të ndryshojnë, pavarësisht ardhjes së njerëzve të rinj në postet e BE-së
Lajmet kryesore
-
Kush është Florian Coldea, këshilltari i Ramës, të cilin opozita e akuzon si “agjent rumun”
-
Nis hetimi administrativ për skandalin e mjekëve të Onkologjikut, bën me dije Koçiu
-
Historia e dhimbshme dhe e shkëlqyeshme e programerit të verbër të Kosovës
-
Borrell: Zotimet e Kosovës dhe Serbisë në dialog s’do të ndryshojnë, pavarësisht ardhjes së njerëzve të rinj në postet e BE-së