![](https://albanianpost.com/wp-content/uploads/2023/08/371521059_650182080387561_7725185116265044193_n.png)
Pas hapjes së aplikimit ku prindërit mund të aplikojnë për subvencionimin e teksteve shkollore të fëmijëve të tyre, është bllokuar platforma E-Kosova,
Në ueb-faqen e E-Kosovës shfaqet vazhdimisht vetëm mesazhi “ju lutem prisni, kërkesa juaj është në proces të sipërm”.
Edhe pas kalimit të disa minutave e njëjta uebfaqe dështon të hapet.
Ministria e Arsimit, Shkencës dhe Teknologjisë (MASHT), Arbërie Nagavci, nëpërmjet një video-mesazhi të publikuar në llogarinë e saj në “Facebook” të enjten, pas dështimit për t’i siguruar tekstet shkollore, ka udhëzuar prindërit të konsultohen me mësimdhënësit se çfarë libra duhet të blejnë për nxënësit filloristë.
“Çmimet e teksteve do të publikohen nga shtëpitë botuese, ku lista e teksteve të përzgjedhura nga aktivet profesionale tashmë është e gatshme, andaj ftojmë të gjithë prindërit të konsultohen me mësimdhënësit se cilat tekste duhet t’i blejnë”, ka thënë ministrja Nagavci, ndërsa ka folur edhe për procesin e rimburësimit.
Në njoftimin e saj, ajo ka bërë me dije se të premten do hapet aplikimi për rimburësimin e mjeteve për blerjen e librave të 227 mijë e 984 nxënësve filloristë, ndërsa paratë parashihet t’iu dalin prindërve në xhirollogaritë bankare që nga fillimi i javës së ardhshme.
Ministrja Nagavci, dështimin për t’i furnizuar nxënësit me tekste shkollore, kur kanë mbetur më pak se 10 ditë deri në nisjen e vitit të ri shkollor, vazhdimisht është munduar ta arsyetojë me premisën se shtëpitë botuese kanë ofertuar çmime të larta për blerjen e librave të filloristëve.
Ata kanë pretenduar se me inciativën që t’i ngarkojë prindërit me blerjen e teksteve shkollore e pastaj t’ua rimbursojnë paratë përmes platforës online “eKosova”, duke prishur kështu zinxhirin dekadash të blerjes së librave, po e kursejnë buxhetin e shtetit dhe po i denoncojnë çmimet e larta.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vidovdani kalon pa incidente, një person u arrestua nga policia
-
Ndalimi i festivalit “Mirdita, dobar dan”, MPJ: Vërteton se Serbia është kundër çdo lloj dialogu me Kosovën
-
Esktradimi i Radojiçiç-it në Kosovë, Selimi: Kusht ironik, Kushtetuta e Serbisë ndalon ekstradimin
-
Dëshmitari i 75-të në Speciale të hënën deklarohet në seancë të hapur
Lajmet kryesore
-
Sondazhi: VV dhe Guxo 41%, PDK 19.6, LDK 19.2 dhe AAK-Nisma 6%
-
40 % e hyrjeve në pallate janë bosh, tregon Censi
-
Refuzimi i Mickoksi-t për t’i miratuar ndryshimet kushtetuese: Për këtë arsye e zgjodhi “VLEN”-in dhe jo “Frontin Evropian”
-
Gjyqtarët s’ishin të ndarë, ashtu siç tha Kurti: 8 me 1 ishte raporti i votave për shumicën e neneve të rrëzuara të Ligjit për Byronë