Asambleja Parlamentare e NATO-s e njohu Federatën Ruse si shtet terrorist.
Rezoluta përkatëse u miratua në seancën vjetore në Madrid.
“Sot ne do të miratojmë një rezolutë që u bën thirrje të gjithë aleatëve të përcaktojnë qartë se Federata Ruse dhe regjimi i saj aktual po veprojnë si një organizatë terroriste”, tha presidenti i Asamblesë së NATO-s, Gerry Connolly përpara votimit.
Dokumenti u miratua unanimisht. Rezoluta kërkon gjithashtu krijimin e një gjykate të posaçme për ta mbajtur Rusinë përgjegjëse për krimet e tmerrshme të luftës.
“Ne gjithashtu u bëjmë thirrje qeverive tona të ndërmarrin hapat e ardhshëm në lidhje me pranimin e Ukrainës në NATO. Ne kemi theksuar vazhdimisht se nuk njohim asnjë përpjekje të paligjshme të Rusisë për të aneksuar territoret sovrane të Ukrainës”, shtoi Connolly.
Më 23 nëntor, Parlamenti Evropian do të votojë një rezolutë në të cilën Rusia do të njihet si shtet sponsorizues i terrorizmit.
Kujtojmë që më 13 tetor, Asambleja Parlamentare e Këshillit të Evropës miratoi njëzëri një rezolutë në të cilën Federata Ruse u quajt një regjim terrorist.
PACE u bë organizata e parë ndërkombëtare që njohu Rusinë si një shtet terrorist.
Një numër parlamentesh të vendeve evropiane, duke përfshirë Senatin e Polonisë dhe Dhomën e Deputetëve të Republikës Çeke, miratuan një vendim për të njohur Federatën Ruse si një regjim terrorist.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Meta mban fjalën poshtë ballkonit të Berishës: Ish-kryeministri doli kundër copëtimit të Kosovës
-
Ilir Meta është presidenti i Partisë së Lirisë
-
Partitë shqiptare në Bujanoc nënshkruajnë marrëveshje paszgjedhore për të ruajtur shumicën
-
Qëllimi i Putinit nuk është Ukraina por Evropa, paralajmëron ministri gjerman i financave
