“As Fondi i Gjermanisë s’do ta përballonte mbingarkesën në QKUK”, thotë Vitia

Ministri i Shëndetësisë, Arben Vitia, në fjalën e tij para deputetëve të Kuvendit të Kosovës, ka thënë se as Fondi i Gjermanisë s’do ta përballonte mbingarkesën që është në klinikat e Qendrës Klinike Universitare të Kosovës (QKUK).

“S’ka buxhet në botë që e përballon këtë mbingarkesë. Kjo mënyrë e funksionimit do të kishte falimentuar edhe një fond si Fondi i Gjermanisë dhe këtë e kemi gjetur dhe këtë kulturë e keni instaluar”.

Sipas Vitisë, nga deputetët paraprak u paraqitën shumë gënjeshtra në foltoren e Kuvendit të Kosovës, ai ka theksuar se të gjitha këto probleme janë trashëguar nga pushtetet e kaluara.

“Kemi trashëguar klinika ku më shumë ka specialistë, sesa shtretër, kjo për shkak të politikave të shthurura të punësimit për dy dekada. Si rrjedhojë ka aktualisht specialistë që kanë më pak se një operacion në javë dhe jo për fajin e tyre. Ka reparte në spitale të përgjithshme që shfrytëzueshmerinë e shtretërve e kanë hiç më shumë se 10-20 përqind. Katastrof”, tha Vitia.

Por, ka pohuar se janë duke u angazhuar për të përmirësuar diçka në këtë drejtim.

“Pas dy vite në menaxhimin e pandemisë, ne kemi bërë strategji dhe kemi buxhetuar implementimin e investimeve në infrastrukturë dhe pajisjeve shëndetësore në të gjithë sistemin shëndetësorë pa dallime”.

Ai ka thënë se që nga viti 2014, atëherë edhe kur u miratua ligji për sigurime shëndetësore, ka qenë e ditur që s’do të zbatohet asnjëherë.

“Në tekstin e arsyetimit për sigurime shëndetësore i kemi paraqitur problemet prej vitit 2014, kur ka hyrë edhe ligji në fuqi, është ditur prej atëherë që prej atëherë se si i tillë nuk do të zbatohet kurrë dhe s’ka si të mos pajtohem me ju për këtë pik dhe Lëvizja Vetëvendosje, zëshëm ka thënë edhe para 10 vjet këto kritika që i paraqitet sot dhe më vjen mirë që edhe pas 10 vjete edhe me vonesë kemi pajtueshmëri”.

Sërish Vitia, ka bërë krahasime me pushtetet e kaluara dhe deklaratave që kishin dhënë në fushta.

“Në vitin 2019, ne si subjekt politik kemi thënë se Fondi për Sigurime Shëndetësore nuk mund të funksionalizimet pa 4 ose 5 vjet punë intensive, subjektet e tjera politike dhe ish ministrat e tyre në fushatë duke anashkaluar faktin që edhe ata kanë qenë në pushtet premtonin që fondi do të funksionalizimet për 18-24 muaj”.

“Nuk ka më eksperimente, jo më veprime pa analiza, jo më tallje me qytetarët. Asnjë hap se kemi gjetur në drejtimin e duhur sa i përket sigurimeve shëndetësore.

Vitia, në seancën e Kuvendit ku po diskutohet për shëndetësinë u kritikua nga ish ministri i Shëndetësisë dhe njëherësh deputeti i Lidhjes Demokratike të Kosovës (LDK), Armend Zemaj si dhe nga deputeti i Aleancës për Ardhmërinë e Kosovës (AAK), Shemsedin Dreshaj për situatën në të cilën është shëndetësia.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.