Artur Shehu, nga Miami Beach te perandoria e biznesit në Shqipëri

Artur Shehu jeton në një vilë elegante në Alton Road, një shëtitje larg nga Biscayne Bay. Dy Mercedes-Benz janë të parkuar para oborrit.

Ndodhet tej rrugës nga Klubi i Golfit në Miami Beach. Është një lagje ku banorët qëndrojnë shumica pas mureve dhe portave të tyre. Një ose dy shtëpi kanë tabela që u kujtojnë vizitorëve të paftuar, ligjin e Floridës për mbajtjen e armëve.

Në një qytet ku pasuria dëshmohet gjithandej, 54-vjeçari Shehu pothuajse nuk bie në sy. Por burri nga Florida, me origjinë prej Shqipërisë së Jugut, ka një të kaluar interesante.

Megjithëse nuk është dënuar, as akuzuar, prokurorët dhe oficerët e ligjit në Evropë, pas përmendjes së përgjimeve dhe provave të tjera, e lidhin atë me një sindikatë të krimit të organizuar të përfshirë në narkotikë.

Pavarësisht se u largua nga Shqipëria dy dekada më parë, ai mban interesat e tij të biznesit rreth pronave të patundshme, duke zotëruar një numër të konsiderueshëm të tyre. Kjo ka sjellë zemërimin e atyre që pretendojnë se toka që ai kontrollon u takon me të drejtë.

Disa nga bashkëpunëtorët e tij në shtëpi janë futur në telashe. Pëllumb Petritaj, i cili mbikëqyr shumë nga pronat shqiptare të Shehut, u shpall fajtor për përdorimin e falsifikimeve për të blerë tokë në emër të kësaj familje.

Përveç zotërimeve të tyre në Shqipëri, Shehu dhe partneri i tij i biznesit kanë blerë dhe shitur prona të shumta në Florida të Jugut.

Shqipëri 1990

Në këtë kohë, në Vlorë, zbatimi i ligjit italian, sipas të cilit po hetohej një rrjet ndërkombëtar i kontrabandës së drogës, gjithashtu hetoi Shehun për përfshirjen e tij të mundshme, sipas Dragan Zaganit.

Ky i fundit ishte kreu i njësisë antinarkotike të Vlorës në fund të viteve 1990. Ai kishte punuar me forcat e rendit italian për hetimin e saj të kontrabandistëve.

Cataldo Motta, një ish-prokuror në qytetin italian të Leçes, i cili shtrihet rreth 70 milje në perëndim përtej detit Adriatik nga Vlora, gjithashtu kujtoi çështjen që përfshinte Shehun, “Ai ishte në dosjet tona si i dyshuar për trafik droge”.

Qëndrimi i Shehut në Vlorë përfundoi. Ai u largua nga Shqipëria pas një përplasjeje me armë, në 1999, në një lokal që ai zotëronte, sipas Zaganit. Ai tha se anëtarët e bandës vranë dy persona në sulm, duke përfshirë xhaxhain e Shehut, Luan Bedini.

“Luani ndërroi jetë në krahët e Arturit dhe ai u zotua të merrte hak për vrasjen e xhaxhait të tij”, tha Zagani.

Policia donte të merrte në pyetje Shehun për të shtënat dhe për aktivitetet e një sindikate lokale të krimit, por ai u largua nga vendi, duke u vendosur në Shtetet e Bashkuara.

Regjistrat e pronave në Florida tregojnë se, përveç vilës me katër dhoma gjumi, Shehu ka pasur më parë një seri rezidencash të moderuara. Nga ato të lartat përreth Miami-t, duke përfshirë edhe një shtëpi në Doral dhe një sallë në West Avenue në Miami Beach.

Në tetor 2018, Artur Shehu paditi zyrtarët e Departamentit të Sigurisë Kombëtare, Shërbimet e Shtetësisë dhe Imigracionit të SHBA-ve dhe FBI në një gjykatë federale në Miami për përpunimin e ngadaltë të kërkesës së tij për qëndrim të përhershëm.

Të dhënat e gjykatës nga ajo padi tregojnë se atij iu dha azil në Shtetet e Bashkuara në 2001, megjithëse arsyeja mbeti e paqartë.

Hetimi italian

Zbatuesi i ligjit italian hetoi Shehun në 2012, pas një shqyrtimi nëse kish pasur rol në investimin e parave në Shqipëri për Guglielmo Cataldi, prokuror në Leçe, Itali.

Prudentino, një mbret i dyshuar i Sacra Corona Unita, një sindikatë e krimit të organizuar në Italinë Jugore, u arrestua pas akuzave të pastrimit të parave dhe trafikut të drogës në 2010.

Operacioni i përbashkët italo-shqiptar u kodua me emrin “Calipso”.

Një dokument i gjykatës italiane tregon se, nga viti 2009, Prudentino mori me qira pjesë të një ndërtese luksoze në pronësi të Shehut në lagjen “Uji i Ftohtë i Vlorës”. Shefi, i supozuar i mafies italiane, drejtonte një restorant dhe gelateri në katin përdhes dhe një kazino në katin e parë.

Prudentino u shpall fajtor në 2013, për pastrim të paligjshëm parash përmes këtyre bizneseve dhe u dënua me tre vite burg. Në procedurat gjyqësore në Itali, prokurorët pretenduan se Shehu bëri 1.3 milionë euro duke e ndihmuar atë.

Ata vunë në dukje se paratë u transferuan në llogaritë bankare të Shehut në Shtetet e Bashkuara, ndonëse nuk kishin prova të mjaftueshme për ta akuzuar. Cataldi tha se provat, që përfshinin Shehun, u kaluan hetuesve shqiptarë, “Ne i dërguam të dhënat që kishim në Shqipëri, ku u treguam atyre se çfarë ishin investimet, por nuk e di se si shkoi ky hetim”.

Sipas dokumenteve të gjykatës shqiptare, Shehu fitoi dokumente dhe certifikata pronësie të mbi 500 hektarëve pasurish të patundshme kryesore – afërsisht 930 fusha futbolli – përgjatë bregdetit jugor të Shqipërisë. Kjo që nga viti 2006, pas rasteve të pretenduara të dokumenteve të falsifikuara të pronësisë.

Megjithëse ai dhe familja e tij përfituan, Shehu nuk është akuzuar kurrë për çështjet e tokës. Sidoqoftë, Pëllumb Petritaj, një bashkëpunëtor i ngushtë, u dënua në 2018 për falsifikim të dokumenteve të tokës mbi uzurpimin e 187 hektarëve.

Përshtatur për MiamiHerald nga Albanian Post

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.