Arsenal-i e ka bërë të qartë se Mikel Arteta është çelësi i projektit të tyre të ardhshëm. Që nga ardhja e tij në pankinën e “Emirates” në dhjetor 2019, trajneri spanjoll e ka transformuar klubin londinez, duke e kthyer atë në elitën e futbollit anglez dhe evropian.
Edhe pse sfida e pushtimit të Premier League mbetet ende e vështirë, klubi ka vendosur të sigurojë vazhdimësinë e Arteta-s, duke i zgjatur kontratën deri në vitin 2027, siç zbulohet nga “The Athletic”.
Kontrata aktuale e trajnerit skadon në vitin 2025, por bordi ka zgjedhur të bëjë bast për udhëheqjen e tij në afat të gjatë.
Ndikimi i Arteta-s ka qenë i dukshëm, pasi skuadra ka konkurruar rregullisht në krye të Premier League, duke luftuar ballë për ballë me Manchester City-n e Pep Guardiola-s.
Dëshmi e kësaj është fitorja e fundit në Community Shield kundër “Qytetarëve”, krahas Kupës FA dhe Community Shield të fituar në 2020.
Pavarësisht zërave që e lidhin atë me Barcelona-n, pas largimit të Xavi Hernandez, Arteta e bëri të qartë angazhimin e tij ndaj Arsenal-it.
Në moshën 42-vjeçare dhe me 234 ndeshje të trajnuara, trajneri ka mundur të shfrytëzojë talentin e figurave të reja si Martin Odegaard dhe William Saliba, përveç përfshirjes së lojtarëve të njohur si Declan Rice. Gjithçka tregon se trashëgimia e tij në “Emirates” nuk ka mbaruar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Besnik Bislimi cenon integritetin territorial të Kosovës, diskuton për urën në Bruksel
-
Autoritetet nuk angazhohen mjaftueshëm për mbrojtjen e viktimave të dhunës me bazë gjinore, zbulon raporti
-
Hezbollahu fajëson Izraelin pas shpërthimeve të radiove që plagosën mijëra në Liban
-
Autogoli i Agim Ademit në minutën e 90-të
