Arsenal dominon Leeds-in, Everton mposht me vështirësi Leicester-in

Ndeshjet e së shtunës në Premier League ishin interesante dhe shumë luftarake.

Dueli mes Arsenal dhe Leeds përfundoi me fitoren e londinezëve me rezultat 2:1.

Me këtë fitore të topçinjve, Leeds kanë kaluar në pozitën e 18-të, e cila konsiderohet si zona e rrezikshme, të cilat janë në rrezik të bien në ligën e dytë të Anglisë.

Ndeshja ishte plotësisht e dominuar nga Arsenal, të cilët kishin 19 mundësi shënimi, ndryshe nga Leeds që kishin vetëm një.

Goli i parë erdhi në minutën e pestë, të cilin e shënoi i riu 22-vjeçar, Eddie Nketiah.

Pesë minuta pas golit të parë, Nketiah shënoi përsëri për të dyfishuar epërsinë.

Në minutën e 27-të, Luke Ayling u ndëshkua me karton të kuq, dhe i la Leeds-in me një lojtar më pak.

Në pjesën e dytë, në minutën e 66-të, Diego Llorente ngushtoi rezultatin, por kjo nuk ishte e mjaftueshme për të fituar ndonjë pikë.

Arsenal radhiten në pozitën e katërt me 66 pikë, ndërsa Leeds janë në vendin e 18-të me 34 pikë.

Në anën tjetër, Everton ka triumfuar me rezultat 1:2, përballë Leicester City-t.

Ndeshja ishte e baraspeshuar dhe me shumë mundësi për të dy skuadrat.

Para kësaj ndeshje, Everton ishte në zonën e rrezikut, por kjo fitore ishte shumë e rëndësishme për klubin nga Liverpool-i.

Të parët shënuan Everton në mintuën e gjashtë me anë të ukrainasit Vitali Mykolenko.

Por ky gëzim nuk zgjati shumë, pasi Patson Daka shënoi në minutën e 11-të për të barazuar rezultatin.

Në minutën e 30-të, Mason Holgate shënoi për rezultatin përfundimtar, dhe për t’i dhënë fitoren Everton-it.

Leicester radhiten në pozitën e 14-të me 42 pikë, ndërsa Everton janë në vendin e 16-të me 35 pikë.

Ndeshja tjetër mes Norwich dhe West Ham ka përfunduar me fitoren e këtyre të fundit me rezultat 0:4.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.