Arrestohet punëtori i Postës së Kosovës, dyshohet për keqpërdorim të detyrës

Të mërkurën, policia e Kosovës ka arrestuar punëtorin e Postës së Kosovës M.B nën dyshimin se ka keqpërdorur detyrën zyrtare duke mos dorëzuar 2 mijë e 26 dërgesa të ndryshme për të cilat kishte obligim, bëhet e ditur përmes një njoftimi për media nga Policia e Kosovës.

I dyshuari është arrestuar pas veprimeve hetimore të ndërmarra nga Sektori për Hetimin e Korrupsionit në Prishtinë në koordinim me Prokurorinë Themelore në Prishtinë.

Tutje në njoftimin e policisë, bëhet e ditur se është bërë kontrollimi i shtëpisë së të dyshuarit M.B ku gjatë kontrollit janë gjetur dhe sekuestruar dëshmi (dërgesat postare) të pa dorëzuara nga i dyshuari, i cili ka qenë përgjegjës për dorëzimin e tyre tek palët e adresuara.

Ai dyshohet për veprën penale “Keqpërdorimi i detyrës apo autoriteti zyrtar” sipas nenit 414 të Kodit Penal.

2 mijë e 26 dërgesa të ndryshme, përfshinin shkresa të gjykatës, fatura të tatimit mbi pronën, fatura të Valës, dërgesa ndërkombëtare, shkresa të Trustit, fatura të bankave, dhe shkresa të Ministrisë së Bujqësisë.

“Dëshmitë dhe provat e gjetura dhe sekuestruara janë si në vijim: 682 shkresa të gjykatës, 512 fatura të tatimit mbi pronë, 337 fatura të Valës, 57 dërgesa ndërkombëtare, 200 shkresa të Trustit, 197 fatura të bankave, 7 shkresa të Ministrisë së Bujqësisë, 18 dërgesa nga Komuna e Lipjanit, 1 dërgesë nga AKP, 14 dërgesa nga Përmbaruesit privat, 1 dërgesë nga Ministria e Mjedisit dhe Planifikimit Hapësinor”.

Pas njoftimit të Policisë, Posta e Kosovës ka sqaruar rastin për ish postierin e arrestuar.

Në njoftimin e Postës së Kosovës thuhet se pasi inspektorati ka zbuluar dhe konstatuar keqpërdorimet e ish postierit M.B, ndaj tij janë marr masat ligjore sipas ligjeve në fuqi me largim nga puna, ndërsa departamenti ligjor i ndërmarrjes e ka iniciuar rastin në Polici dhe në Prokurori.

“Pasi inspektorati zbulon dhe konstaton keqpërdorimet e ish postierit M.B, ndaj tij janë marr masat ligjore sipas ligjeve në fuqi me largim nga puna, ndërsa departamenti ligjor i ndërmarrjes e ka iniciuar rastin në Polici dhe në Prokurori”, thuhet në njoftimin e Postës së Kosovës.

Ndërkaq, sipas PK pas informimit të rastit ndaj të dyshuarit menjëherë janë marrë masa ligjore.

“Pasi inspektorati zbulon dhe konstaton keqpërdorimet e ish postierit M.B, ndaj tij janë marr masat ligjore sipas ligjeve në fuqi me largim nga puna, ndërsa departamenti ligjor i ndërmarrjes e ka iniciuar rastin në Polici dhe në Prokurori”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.