Arrestohet një person për përfshirje në trafikim me narkotik

Policia e Kosovës, ka arrestuar një person në Prishtinë, pasi dyshohet për përfshirje në trafikim me narkotik.

Këtë e ka bërë të ditur policia përmes një komunikate.

“Hetuesit policorë të Sektorit Qendror të Drejtorisë për Hetimin e Trafikimit me Narkotik-Prishtinë, nën dyshimin se një i dyshuar merret me trafikim me lëndë narkotike, sot, më 20.08.2022, në ora 12:00, në rrugën nacionale Prishtinë-Pejë (fshati Komoran), kanë ndalur një veturë, pasi dyshoje se më të po kryhej bartje e lëndëve narkotike”, thuhet në komunikatë.

Tutje është thënë se në substancë narkotike është hasur gjatë kontrollit të veturës.

“Policia gjatë kontrollit të veturës në bagazh, te goma rezervë, kanë hasur gjashtë paketime me substancë narkotike, dyshohet të jetë e llojit heroinë. Po ashtu janë konfiskuar edhe dëshmi tjera”.

Nga organet e rendit është kontrolluar edhe vendbanimi i të arrestuarit.

“Policia duke zbatuar procedurat, në koordinim me organet e drejtësisë, ka kontrolluar edhe shtëpinë e të dyshuarit: I.B., (viti i lindjes 1977). Gjatë kontrollit nuk është gjetur asgjë e ndaluar”.

Ndërkaq, i dyshuari është intervistuar dhe ndaj tij është iniciuar rasti “Blerja, posedimi, shpërndarja dhe shitja e paautorizuar e substancave narkotike dhe psikotropike”.

Nga prokurori me aktvendim i është caktuar masa e ndalimit prej 48 orëve.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.