Policia e Kosovës ka njoftuar se të mërkurën është arrestuar një person në Zveçan, i dyshuar për sulm ndaj trupave të misionit të NATO-s në Kosovë, KFOR, në maj të vitit të kaluar.
Lajmi është bërë i ditur nga ky institucion i sigurisë në raportin 24-orësh.
“Njësia policore gjatë realizimit të detyrave ligjore në një pikë kontrolli kanë ndaluar të dyshuarin mashkull kosovar dhe gjatë verifikimit ka rezultuar se është i kërkuar për sulmin ndaj KFOR-it dhe zyrtarëve policor afër objektit të Komunës”, thuhet në njoftim.
Aty theksohet se i dyshuari është arrestuar dhe i njëjti pas intervistimit me vendim të prokurorit është dërguar në mbajtje.
Ndryshe, si pasojë e sulmeve të serbëve në Veri të vendit kishin mbetur të lënduar dhjetëra ushtarë të KFOR-it, kryesisht italianë dhe serbë.