Policia e Kosovës, ka njoftuar se ka arrestuar një person pasi në pronën tij ka gjetur armë dhe municion në fshatin Koliq të Prishtinës, të martën.
Lajmi është bërë i ditur përmes një komunikate dërguar mediave.
“Drejtoria për Hetimin e Krimit të Organizuar dhe Krimeve të Rënda, në bashkëpunim edhe me Prokurorinë Themelore në Prishtinë, pas dyshimeve se po kryhet vepra penale ‘Importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve apo materieve plasëse’, ka bërë kontrollin e shtëpisë dhe objekteve përcjellëse”, thuhet në njoftim.
Sipas njoftimit, PK-ja, ka gjetur dhe sekuestruar një sasi armatimi e municioni.
“Një armë (pistoletë) kal: 7.62mm, dy armë (pistoletë) kal: 9×19 mm, tetë karikatorë, 61 fishekë kalibër 7.62, dy armë gjuetie, kal: 12 GA, një pushkë me dylbi prodhim italian dhe 303 fishekë kalibrash të ndryshëm”, theksohet tutje.
Ndërkaq, hetimet për këtë ngjarje është thënë se do të vazhdojnë nga organet e rendit në procedura të tjera.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
