Prokuroria Speciale e Kosovës ka njoftuar të enjten se ka ndaluar një person, i cili dyshohet për veprën penale “krime lufte kundër popullatës civile” gjatë luftës së fundit në Kosovë, në rajonin e Malishevës.
Në bazë të njoftimit të prokurorisë, hetimet fillestare tregojnë se gjatë kohës së luftës në Kosovë, ai ka kryer krime lufte në fshatin Panorc të Malishevës – atij i është caktuar masa e arrestit të përkohshëm prej 48 orësh, kurse brenda afatit ligjor do të dërgohet për procedurë të mëtutjeshme gjyqësore.
Gjithashtu, autoritetet e drejtësisë kanë arrestuar të enjten një person në Leposaviq – komunë e banuar me shumicë serbe – në pjesën veriore të Kosovës, nën dyshimet për veprën penale “krime lufte kundër popullatës civile” gjatë luftës në Kosovë. Policia e Kosovës deklaroi se arrestimi u krye pas bashkëpunimit me agjentët e Agjencisë Kosovare të Inteligjencës (AKI).
Prokuroria Speciale e Kosovës ka njoftuar në dhjetor të vitit të kaluar për ngritjen e 33 aktakuzave kundër 89 personave për krime lufte në Kosovë. Prej përfundimit të luftës së fundit, rreth 70 persona janë dënuar për krime lufte.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gërvalla takon kryediplomatin e Armenisë – shtetit që s’e njeh Kosovën: Falsin për sigurinë
-
Ish-kryeinspektori i AKI-së: Derisa Serbia po pasivizon adresat e shqiptarëve, Qeveria e RMV-së po i largon nga vendimmarrja
-
Lista Serbe e ka humbur ndikimin në Veri, thotë Rashiç
-
Policia sekuestron 3250 pako cigare, dyshohet se ishin të kontrabanduara
Lajmet kryesore
-
Franca në zgjedhje, rritet pjesëmarrja në qendrat e hapura të votimit
-
Hasani takim me Fajon: Sllovenia mbështet Shqipërinë dhe procesin e zgjerimit
-
Intervistë nga burgu me kundërshtarin rus Ilja Yashin: “Regjimi i Putinit do të përfundojë si BRSS”
-
Gërvalla takon kryediplomatin e Armenisë – shtetit që s’e njeh Kosovën: Falsin për sigurinë