Është arrestuar pas një aksioni të shpejtë të forcave RENEA autori i një plagosjeje të dyfishtë në Malë të Madhe, i identifikuar si Lul Rakaj.

Dy ekipe të forcave RENEA ishin nisur drejt Malësisë së Madhe, për të bërë të mundur kapjen e autorit të një plagosjeje të dyfishtë në fshatin Vrakë.

Sipas një njoftimi policor, me qëllim kapen e autorit të plagosjes se dy shtetasve paraditen e sotme në fshatin Vrakë, i cili është larguar duke marrë me vete dhe armën e zjarrit pistoletë me vete, shkuan dy grupe të Forcave Speciale Renea, të cilat janë duke mbërritur në Malësinë e Madhe.

Çfarë ndodhi?

Një ngjarje e rëndë ka ndodhur në Malësi të Madhe mëngjesin e 15 shtatorit, ku dy persona kanë mbetur të plagosur, pas të shtënave me armë zjarri.

Ngjarja ka ndodhur në fshatin Vrakë dhe sipas informatave të para, dy të plagosurit janë transportuar me urgjencë në spitalin rajonal të Shkodrës për të marrë ndihmë mjekësore.

Policia ka mbërritur në vendngjarje dhe është duke kryer hetime për të zbardhur rrethanat dhe motivet e këtij episodi të dhunshëm.

Nga sa mësohet paraprakisht, të plagosurit janë identifikuar si shtetasit Besmir Qofi dhe Avenir Hasanaj.

Ndërsa hetimet po vazhdojnë, është bërë e ditur se autori i plagosjes është Lul Rakaj.

Ky i fundit është emër i njohur për drejtësinë, pasi ka qenë pjesë e një ngjarjeje të rëndë 13 vjet më parë, kur ai ka kryer një vrasje.

Rakaj ka vrarë shtetasin Kolë Mushku, si akt hakmarrjeje për vrasjen e babait të tij nga Mushku.

Detaje të reja priten në vijim.