![](https://albanianpost.com/wp-content/uploads/2023/06/arrestohen-pes-euml-imam-euml_2_hd-587x360-1.jpg)
Pas kontrollimit të tri lokacioneve në rajonin e Gjakovës për përfshirje në veprat penale ‘krim i organizuar’ dhe ‘organizimi i skemave piramidale dhe bixhozit të paligjshëm’, janë arrestuar tre persona.
Lajmin e ka bërë të ditur policia e Kosovës përmes një komunikate për media.
“Sot, më 14.06.2023, policia, në vazhdimësi të operacionit të sipër-cekur, duke zbatuar urdhëresën e Gjykatës Themelore Prishtine-Departamenti Special, ka kryer kontrolle në tri lokacione në rajonin e Gjakovës dhe ka arrestuar tre të dyshuar po ashtu të dyshuar për përfshirje në veprat penale ‘krim i organizuar’ dhe ‘organizimi i skemave piramidale dhe bixhozit të paligjshëm’”.
“Policia me këtë rast ka gjetur dhe marrë disa dëshmi që lidhen me rastin”, thuhet në komunikatën për media.
Gjithsej nga koha e zbatimit të këtij operacioni e deri më tani janë arrestuar dhe dërguar në mbajtje 16 të dyshuar.
“Policia ka intervistuar tre të dyshuarit e arrestuar sot dhe me aktvendim nga prokuroi të njëjtit janë dërguan në mbajtje deri në 48 orë”.
Policia e Kosovës ka zhvilluar aksion në Gjakovë kundër fajdeve.
Lajmin për Albanian Post e ka konfirmuar zëdhënësi i Policisë për rajonin e Prishtinës, Baki Kelani.
“Mund të konfirmojmë se Departamenti i Hetimeve përmes Drejtorisë për Hetimin e Krimit të Organizuar është duke e realizuar si vazhdimësi një operacion policor, në rajonin e Gjakovës”.
Ai tutje ka bërë të ditur edhe qëllimin e këtij aksioni.
“Operacioni policor ka për qëllim parandalimin dhe luftimin e veprimtarive kriminale të fajdës”.
Ndërsa, ka shtuar se pas përfundimit të operacionit pritet të bëhen të ditura detajet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com