Arrestohen gjashtë persona për narkotikë

Gjashtë persona janë arrestuar si të dyshuar për shitblerje të narkotikëve në dy raste të ndara në Prizren dhe Gjilan.

Lajmi është bërë i ditur përmes një komunikate dërguar mediave nga Policia e Kosovës.

“Rasti 1. Me datën 05.06.2024 rreth orës 22:40, patrulla e autostradës në Prizren, drejtimi i Vërmicës, ka ndaluar dy vetura me targa vendore në të cilat vetura ishin katër të dyshuarit R. V. m/k (viti i lindjes 2002), E. D. m/k (viti i lindjes 1997), P. S. m/k (viti i lindjes 2002) dhe D. T. m/k (viti i lindjes 2001)”.

Nga policia është bërë e ditur se në rastin e parë janë konfiskuar 200 mijë euro.

“Gjatë kontrollit të personave, janë hasur substanca të ndryshme narkotike, me ç’rast personat e dyshuar janë arrestuar në vendngjarje, ndërsa si provë materiale nga DHTN janë konfiskuar: substancë narkotike e dyshuar për ekstazi, me peshë të përgjithshme 3 kg e 367 gramë, substancë narkotike e dyshuar për kokainë me peshë të përgjithshme 695.98 gr, substancë narkotike e dyshuar e llojit Crack me peshë të përgjithshme 367.93 gr”.

“Substancë narkotike LSD, 154 paketime, substancë narkotike Kanabis Sativa në formë çokolate me peshë 5.9 gr, njëqind e tridhjetë e tetë (138) qese plastike të zbrazëta, të holla (para) në vlerë shtatë mijë e shtatëqind e tetëdhjetë e tetë (7788.85) euro, shtatë (7) telefona mobilë, dy vetura të markës VË-Golf”, thuhet në komunikatë.

Ndërsa në rastin e dytë në Gjilan nën dyshimin për shitblerje të lëndëve narkotike, janë lokalizuar dhe janë arrestuar dy persona.

Në cilësi të provave materiale tek të dyshuarit janë konfiskuar substancë narkotike e dyshuar për heroinë në peshë 537.8 gr. dhe vlerë rreth 8 mijë euro, substancë narkotike e dyshuar si marihuanë në peshë të përgjithshme 3. 36 gr., dy telefona celularë, si dhe një veturë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.