![](https://albanianpost.com/wp-content/uploads/2024/07/DDQSQJJRUU3GJGUCU20E.jpg)
Portieri i Kombëtares së Kosovës, Arijanet Muric është transferuar te skuadra e sapopromovuar në Premier League Ipswich Town nga Burnley.
Portieri, i njohur si Aro, i bashkohet bluve nga Burnley, duke nënshkruar një kontratë katërvjeçare në “Portman Road” dhe duke u bërë nënshkrimi i pestë i verës për Ipswich Town.
25-vjeçari, i cili ka lindur në Zvicër dhe ka përfaqësuar Kosovën 38 herë në nivel ndërkombëtar, luajti një rol të madh në promovimin e Burnley-t në Premier League gjatë sezonit 2022-23, përpara se të shfaqej 10 herë për “Clarets” sezonin e kaluar.
Pasi filloi karrierën e tij profesionale me Manchester City-n, ai kaloi periudha huazimi në NAC Breda, Nottingham Forest, Girona, Willem II dhe Adana Demirspor, përpara se të bashkohej me Burnley dhe të bënte gjithsej 55 paraqitje gjatë kohës së tij në “Turf Moor”.
“Jam i emocionuar që i jam bashkuar klubit dhe mezi pres të filloj”, tha Aro për “TownTV”.
“Kam parë se si luajti skuadra sezonin e kaluar dhe ndjeva se stili do të më përshtatet shumë, kështu që kjo është lëvizja perfekte për mua”.
“Kam pasur biseda të mira me menaxherin dhe besoj se ky është vendi i duhur për mua që të jem ndërsa klubi kalon në Premier League”.
“Mezi pres të filloj”, përfundoi Muric.
Aro do të fluturojë për në Austri për t’u bashkuar me skuadrën gjatë kampit të tyre parasezonal më vonë sot.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com