Tanimë edhe zyrtarisht, ish-çifti, këngëtarja, Ariana Grande dhe agjenti i patundshmërisë, Dalton Gomez po shkojnë drejt divorcit.
Grande paraqiti një kërkesë për divorc të hënën në Los Angeles, derisa ka përmendur “dallimet e papajtueshme” si bazë për ndarjen, tha një burim me njohuri për këtë çështje për CNN, transmeton AlbanianPost.
Ylli i hitit “Thank U, Next” dhe Gomez u martuan në vitin 2021.
“Ishte e vogël dhe intime – më pak se 20 persona. Dhoma ishte kaq e lumtur dhe plot dashuri”, tha përfaqësuesi i Grande për People për ceremoninë e martesës në atë kohë.
“Çifti dhe të dyja familjet nuk mund të ishin më të lumtur”, shtoi ai, aso kohe.
Grande më vonë ndau fotot e dasmës së tyre, e cila u zhvillua në shtëpinë e tyre në Montecito, në faqen e saj në Instagram, duke vënë mbishkrimin e datës së kurorëzimit “5.15.21”.
Postimi është hequr që atëherë, por fotot më parë shfaqnin Grande të veshur me një fustan dasme nga disenjatorja, Vera Wang dhe duke puthur Gomezin, i cili kishte veshur një kostum të stilistit, Tom Ford.
Dasma e tyre e vitit 2021 erdhi dy vjet pas fejesës së Grande me komedianin, Pete Davidson.
Grande dhe Gomez, fillimisht dolën publikisht me marrëdhënien e tyre me lansimin e këngës së saj të vitit 2020 “Stuck with U”, një këngë për të cilën ajo bashkëpunoi me Justin Bieber.
Gomez u shfaq në videoklipin e këngës në fjalë dhe ata shpallën fejesën e tyre po atë vit.
Spekulimet se dyshja nuk ishin më bashkë nisën në korrik kur këngëtarja e “Sweetener” u pa, pa unazën e dasmës teksa merrte pjesë në Wimbledon.
Grande postoi për herë të fundit një foto me Gomez në rrjetet e saj sociale në nëntor, por ish-çifti e mbajtën lidhjen e tyre kryesisht larg vëmendjes.
Fituesja e “Grammy-t” kishte qenë e zënë me xhirimet e filmit “Wicked” në Londër së bashku me Bailey, Cynthia Erivo, Jeff Goldblum, Michelle Yeoh dhe Bowen Yang, përpara se SAG-AFTRA të hynte në grevë në korrik.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mëlçia e dhjamosur, rregullat për parandalimin dhe trajtimin
-
Jennifer Lopez fluturon me pako ekonomike nga Italia në Francë
-
Kirurgu i përgjithshëm amerikan e cilëson dhunën me armë në SHBA si një krizë urgjente të shëndetit publik
-
Princesha Anne shtrohet në spital me tronditje pas një “incidenti” në shtëpinë e saj në fshat
Lajmet kryesore
-
Zbardhen bisedat e skemës abuzive te Onkologjiku: Mjekët dërgonin pacientët te privati, ilaçet për tumorin i çonin nëpër farmaci
-
BSH: Investimet e huaja në pasuri të paluajtshme rritje me 71%
-
Presidenti kenian zotohet të rivendosë rendin pas protestave vdekjeprurëse për rritjen e taksave
-
Kurti, delegacionit gjerman: Hulumtoni mundësitë dhe përparësitë që i ofron Kosova për investitorët e huaj