![](https://albanianpost.com/wp-content/uploads/2024/05/39599d00-f332-4203-becd-62e88bf7a7b5-1024x576-1.jpeg)
Apolonia është skuadra fituese e edicionit të 15-të të Kupës së Shqipërisë për vajza, pas mundi në finale Partizanin me rezultatin 2-1.
Finalja e 15-të e Kupës së Shqipërisë u ndoq me mjaft interes nga shumë tifozë të Partizanit e Apolonisë, të cilët ishin prezentë në Shtëpinë e Futbollit për të mbështetur skuadrën e tyre të zemrës.
Pjesa e parë e takimit ishte shumë e luftuar nga të dyja skuadrat, por pa mundur të gjenin rrugën e rrjetës edhe pse nuk munguan rastet e pastra të shënimit.
Fraksioni i dytë nisi më mirë për Apoloninë që pas insistimit zhbllokoi takimin në të 64-ën me Nyabuto.
Pas shënimit të golit gjithçka ishte më e lehtë për Apoloninë që realizoi edhe të dytin me Klea Hamonikajn në minutën e 71-të.
Partizani u mundua të reagonte dhe në fundin e ndeshjes fitoi një penallti që u shndërrua në gol nga Mikaela Metalla. Në fund finalja u mbyll 2-1 për Apoloninë.
Në përfundim të ndeshjes, u zhvillua edhe ceremonia e dorëzimit të medaljeve dhe kupës nga Federata Shqiptare e Futbollit. Anëtari i Komitetit Ekzekutiv të FSHF-së, Bardhyl Jera, i dhuroi medaljet dhe Kupën e Shqipërisë vajzave të Apolonisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com