Aplikimi i Kosovës për anëtarësim në BE do të mbetet në “inbox” për shkak të “hapave të njëanshëm” në veri, thotë Rohde
Ambasadori i Gjermanisë në Prishtinë, Jorn Rohde, nëpërmjet një postimi në platformën “X” të martën, ka deklaruar se mbyllja e degëve të Postës së Serbisë në veri të Kosovës, përveç që bjen ndesh me marrëveshjet e dialogut për normalizimin e marrëdhënieve Kosovë-Serbi, rrezikon që aplikimi i Kosovës për anëtarësim në Bashkimin Evropian (BE) të mbetet në pritje.
“Hapat e njëanshëm dhe të pakoordinuar jo vetëm që bien ndesh me marrëveshjet e dialogut, por – edhe më keq – rrezikojnë që aplikimi për anëtarësim në BE të mbetet i mbërthyer në inbox. BE-ja lulëzon duke marrë me vete të gjithë anëtarët dhe komunitetet e tyre dhe ne kemi nevojë për të njëjtën qasje në nivel kombëtar”, ka thënë ambasadori gjerman gjatë ditës.
Kosova ka dorëzuar dokumentacionin për anëtarësim në BE në dhjetor të vitit 2022, por Këshilli i BE-së ende nuk e ka shqyrtuar. Dhe arsye për këtë janë kryesisht tensionet e vazhdueshme në marrëdhëniet Prishtinë-Beograd. Dhe kjo pritet të mos ndryshojë për shkak të “hapave të njëanshëm” në veri.
Autorietet e Kosovës kanë mbyllur të hënën nëntë objekte të Postës së Serbisë në veri të territorit kosovar, të cilat vepronin ilegalisht në katër komunat veriore – Mitrovicë e Veriut, Leposaviq, Zveçan dhe Zubin Potok – ndërsa edhe BE-ja i ka bërë thirrje ekzekutivit kosovar që të rishqyrtojë vendimin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Von der Leyen pret liderët e BP-së: Të gjashtë vendet i përkasin Evropës
-
PSD: Kurti dhe Sveçla janë bashkëpunëtorë të Vuçiç-it sipas kritereve që kanë vendosur për Urën e Ibrit
-
Fidan: Të kesh marrëdhënie vëllazërore me Kosovën është obligimi ynë historik
-
PDK: Kurti përveç se degradoi standardin e jetesës, tash po rrezikon seriozisht të ardhmen politike të vendit
Lajmet kryesore
-
Në një Shtet ku Ligji Humb Midis Fushës dhe Korrupsionit: Komedia e Errët e Futbollit të Kosovës
-
Von der Leyen pret liderët e BP-së: Të gjashtë vendet i përkasin Evropës
-
Shkon në 37 numri i viktimave nga vala e dytë e shpërthimeve në Liban
-
PSD: Kurti dhe Sveçla janë bashkëpunëtorë të Vuçiç-it sipas kritereve që kanë vendosur për Urën e Ibrit