![](https://albanianpost.com/wp-content/uploads/2024/06/maxresdefault.jpg)
Dueli Anthony Joshua kundër Daniel Dubois është tani në bisedime për një përplasje totalisht britanike në peshën e rëndë më 21 shtator në stadiumin “Wembley” të Londrës.
Përpara “Queensberry-Matchroom 5 vs 5” të së shtunës mbrëma, ishte bërë e qartë nga shefi saudit i boksit, Turki Alalshikh se kundërshtari i ardhshëm i AJ do të dilte nga eventi. Deontay Wilder ishte zgjedhja e parë, por ai u mund nga Zhilei Zhang në mënyrë shkatërruese.
Si rezultat, zgjedhja tjetër më e mirë për Joshua-n ishte fituesi i ndeshjes tjetër të peshave të rënda.
Dubois mundi Filip Hrgovic-in për të marrë rripin e “përkohshëm” të IBF, i cili së shpejti mund të përmirësohet për t’u bërë titulli i plotë botëror i IBF-së në peshën e rëndë.
Kjo do të varet nga vendimi i IBF mbi kërkesën e Oleksandr Usyk për një përjashtim për ta lejuar atë të mbajë rripin për ndeshjen e revanshit me Tyson Fury-n më 21 dhjetor dhe që të përballet më pas me kundërshtarin e tij të detyrueshëm.
Sido që të jetë, fitorja e vendosi Dubois si pretendentin më të mirë për një duel ndaj Joshua-s, dhe promovuesi i tij Frank Warren tha për “talkSPORT” se kjo ndeshje tani po diskutohet.
“Daniel Dubois vërtetoi se të gjithë dyshuesit e tij e kishin gabim dhe fitoi rripin e ‘përkohshëm’ të IBF”, tha Warren në “talkSPORT Breakfast”.
“Shpresojmë se do të ndeshet me AJ në vjeshtë, ne jemi duke punuar për këtë. Ai bëri mirë…”.
“Ne do të donim që të ishim në MB, ata janë dy britanikë, do të ishte një luftë e madhe për të luajtur në Wembley”, theksoi ai.
Dubois ka humbur tashmë dy herë në karrierën e tij, nga Oleksandr Usyk dhe Joe Joyce, dhe shumë fansa e vunë në dyshim atë pas këtyre pengesave. Megjithatë, ai tani po lufton përmes vështirësive për të mposhtur Kevin Lerena, Jarrell Miller dhe Hrgovic.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com