Shqipëria

Ankorohet trageti i linjës Brindisi-Vlorë, pezullohen lundrimet


Pas gjashtë orësh qëndrim në det, trageti i linjës Brindisi-Vlorë ka mundur të ankorohet në Portit e Vlorës.

Bëjmë me dije se trageti i linjës Vlorë-Brindisi po kthehej nga Italia, por për shkak të erës së fortë nuk ka mundur të ankorohet dot në port. Mësohet se brenda tragetit kanë qenë160 pasagjerë.

Trageti ka provuar të ankorohet, por ka dalë sërish në det të hapur në pritje të qetësimit të motit dhe forcës së erës.

Kapiteneria e Vlorës ka bërë të ditur se për shkak të erës së fortë ka pezulluar përkohësisht lundrimin e mjeteve lundruese të vogla dhe mjeteve të peshkimit. Në det të hapur forca e dallgëve shkon deri në 5 ballë.

Pritet që kushtet të përmirësohen pasditen e së hënës, më 1 shkurt.

/Albanianpost.com


Lajmet kryesore