Njëri nga luftëtarët më të mirë në botë i arteve marciale, kampioni i peshave të mesme në UFC, Israel Adesanya, është fans i madh i serialeve të animuara japoneze, ose ndryshe të quajtura “Anime”.
Në shumë nga ndeshjet e tij ose në konferencat para mediave, Adesanya u referohet këtyre personazheve.
Nofka e e tij, “The Last Stylebender”,buron nga seriali Avatar, ku personazhi kryesore, Aang, quhet “The Last Airbender”.
Pasioni i Adesanya për anime mund të shihet në konferencat para ndeshjeve dhe tatuazhet e tij.
Në “Face off” përball Anderson Silvas, ai iu referua një nga dueleve më dinamike në serialin ‘Naruto’, ndeshja mes Rock Lee dhe Gaara-s.
Dashuria e tij për anime është aq e madhe, sa ai ka personalizuar edhe makinën e tij Mclaren, të duket si Kurama, dhelpra me nëntë bishta në serialin Naruto.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com