Këngëtarja shqiptare nga Maqedonia e Veriut, Tuna tanimë ka publikuar prurjen e saj më të re muzikore.
“Ani”, titullohet kënga më e re nga Tuna, derisa ky projekt shënon bashkëpunim e radhës të artistes – kësaj here me Markel Gogën.
Dyshja e artistëve, Tuna e Goga, i kanë bashkëngjitur prurjes së re edhe një video klip artistik përshtatur tekstit të këngës.
Kënga është publikuar në kanalin zyrtar të Tunës në YouTube dhe akoma pa u bërë 24 orë që prej plasimit, “Ani” ka grumbulluar afro 1 milion klikime.
Ky është projekti i tretë nga Tuna për këtë vit të rikthimit të saj në diskografinë shqiptare.
Në fund të muajit gusht ajo kishte publikuar video projektin muzikor “Qa bone”, që i solli asaj, mbi 2 milionë klikime në YouTube.
Por, hiti rikthyes i Tunës mbetet “I huj”, këngë të cilën e solli në bashkëpunim me ish të dashurin e saj të dikurshëm, rep artistin, Cozman.
Kënga “I huj” e publikuar në muajin prill të këtij viti ka marrë shpejt epitetin e të qenit hit, derisa aktualisht numëron pothuajse 14 milionë klikime në YouTube.
Kjo nuk ishte hera e parë që Tuna dhe Cozman u bënë bashkë në muzikë, pasi që plot 10 vjet më parë, në vitin 2013, dyshja patën publikuar ndoshta hitin më të madh në karrierat e tyre muzikore – “Fenix”.
“Fenix” ka qenë ndër hitet më të mëdha të një dekade më parë dhe mbetet ndër këngët më ikonike akoma, derisa është klikuar afro 50 milionë herë.
Dyshja, Tuna-Cozman, u bënë bashkë përsëri në vitin 2015 edhe për një tjetër duet të suksesshëm – “Holla”.
Ata ishin bashkë për disa kohë duke e shijuar romancën e tyre në sytë e publikut, dhe po ashtu ishin ndër çiftet më të komentuara në estradë.
Ri-bashkimi i tyre në rrafshin muzikor ka ngritur dyshimet në publik se ata mund të jenë ri-bashkuar edhe në pjesën e personales, mirëpo aktualisht akoma nuk ka pasur asnjë reagim rreth kësaj, as nga Tuna, e as nga Cozman.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Një roje sigurie qëllohet në shtëpinë e Drake në Toronto, mes ‘luftës’ me Kendrick Lamar
-
Camila Cabello shpall datën e publikimit për albumin e ri “C, XOXO”
-
“Beteja” mes Drake dhe Kendrick Lamar – Dua Lipa në rolin e prezantueses televizive elaboron situatën
-
Koncerti falas i Madonna-s tërheq 1.6 milionë njerëz në plazhin Copacabana të Brazilit
Lajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
Maqedonci kërkon që KFOR-i të qëndrojë në Kosovë derisa Serbia të demokratizohet