Napoli e Luciano Spalletti-t vazhdon ecurinë perfekte në këtë fillim sezoni, duke u ngjitur në krye të Serie A-së.
Në javën e katërt të këtij sezoni, Napoli udhëtonte në Udine për të vizituar Udinese-n.
Napoletanët e nisën ndeshjen shumë mirë, duke e përfunduar po në të njëjtën mënyrë.
Pas 25 minutave lojë, mundësitë e shumta u konkretizuan më në fund.
Ishte Victor Osimhen ai që i dhuroi epërsinë skuadrës së Spalletti-t, duke e shtyrë topin në rrjetë pas një goditjeje nga Lorenzo Insigne.
11 minuta më vonë, në skenë u ngjit mbrojtësi i kombëtares së Kosovës, Amir Rrahmani.
Rrahmani shfrytëzoi një asistim të partnerit të tij në mbrojtje, Koulibaly për të dyfishuar epërsinë.
Pjesa e parë u mbyll me atë rezultat.
Napoli edhe pjesën e dytë e nisi mirë, duke vazhduar dominimin total.
Pas një asistimi të Ruiz, Koulibaly tani gjeti golin vet.
Mbrojtësi i Napoli-t me një goditje prej sulmuesi, gjeti golin e tretë për Napoli-n.
Pesë minuta para fundit, pati kohë edhe për një gëzim për skuadrën e Napoli-t, me meksikanin Hirving Lozano që gjeti rrugën e rrjetës për rezultatin përfundimtar 0-4.
Napoletanët ngjiten në vendin e parë, me katër fitore pas po aq ndeshjesh.
Tabela e plotë në Serie A pas javës së katërt, është kjo:
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com