Ambasadori i Republikës së Çekisë, Pavel Bilek, konsideron se liberalizimi i vizave për Kosovën është në rrugë të mirë dhe se janë bërë hapa konkretë në këtë drejtim.
Ai gjatë tryezës së organizuar nga Instituti Demokratik i Kosovës (KDI), deklaroi se dita e enjte ka qenë ditë me rëndësi të madhe për Kosovën.
“Republika Çeke ka bërë hapa dhe ka pasur rezultate të mira sa i përket vizave në mënyrë që të ketë një konsensus. Dje ka pasë një takim të rëndësishëm për Kosovën. Liberalizimi i vizave është në rrugë të mirë”.
“Sot është një ditë e mirë për Kosovën sepse kryeministri juaj në Pragë dorëzoi aplikim për BE”.
Në këtë takim mori pjesë edhe kryetari i Komisionit Qendror Zgjedhor (KQZ), Kreshnik Radoniqi për të folur rreth ligjit të ri, ai theksoi se partitë do të obligohen që çdo tre muaj të deklarojnë mënyrën e financimit.
“Si KQZ besoj kemi kontribuar për zgjedhje. Ligji i ri obligon partitë politike të bëjnë çdo tre muaj llogari të financimit. Që nga viti i ardhshëm zyra do të nxjerr një auditim me konkurs. Jam shumë i vetëdijshëm që mund të flasim për këtë temë, por kjo kërkon shumë financim për qytetarët dhe partitë politike”.
Kurse drejtori i Transparency International në Çeki, Ordjen Kopenc, përkundër se lavdëroi punën e institucioneve u shpreh se do të dalin sfida gjatë implementimit.
“Jam i lumtur që sot të diskutojmë për partitë politike në lidhje me financimin për këtë ligj. Zbatimi do të tregoj se do të ketë disa sfida teknike”, tha Kopenc.
Edhe, hulumtuesi i lartë në KDI, Eugen Canolli, potencoi se ky ligj ka mangësi dhe së zyrës së kontrollit duhet që t’i shtohen edhe tre persona.
“Pavarësisht me përmirësime të ndjeshme ligji ka ende mangësi. Zyrës do t’i shtohen edhe personat e kontrollit do të ketë 3 persona. Ligji i ri ka sjell edhe avancim sa i përket përfitimeve financiare që do të kenë subjekte politike”.
Ndryshe, kryeministri i Kosovës, Albin Kurti, ka bërë një përllogaritje të kohës që u ka marrë vendeve të ndryshme për anëtarësim në Bashkimin Evropian nga momenti i aplikimit deri te pranimi dhe beson se Kosovës i duhen diku rreth nëntë vjet, si kohë mesatare e pranimit të shteteve në union.
Matematikën e tij e ka prezantuar në momentin kur zyrtarisht ka dorëzuar aplikimin e Kosovës për Bashkim Evropian, në një konferencë për media me ministrin e Republikës së Çekisë për Çështje Evropiane Mikulash Bek.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel
-
MPB-ja s’e komenton kërkesën e Vuçiçit për kthimin e serbëve në Policinë e Kosovës
-
Procesi i Berlinit dhe masat e BE-së kundër Kosovës, në fokus të takimit Osmani-Lührmann
Lajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel