Ambasadori i Kosovës në Kroaci, Martin Berishaj, paraqitet publikisht për herë të parë pas skandalit në Slloveni, ku emri i tij u lakua si sekser në një aferë të madhe financiare.
Por, kjo paraqitje e Berishajt nuk ka të bëj me këto dyshime e as me raportimin rreth këtyre dyshimeve, për çka e ka ftuar Presidentja e Kosovës, Vjosa Osmani.
Martin Berishaj, krejt qejf, vazhdon të qëndrojë në Zagreb, ku ashtu siç shihet nga fotografitë e postuara nga ambasada e Kosovës atje, ai ka marrë pjesë në organizimin e iftarit të fundit për këtë muaj të shenjtë të Ramazanit.
Ishte Meshihati i Bashkësisë Islame në Kroaci, Aziz ef. Hasanoviç, ai i cili organizoi iftarin e fundit të këtij muaji të veçantë duke i paraprirë kështu edhe festës së Fitër Bajramit.
Hasanoviç kishte ftuar “kreun e shtetit të Kroacisë, Zoran Milanoviç, ministren e kulturës dhe mediave, Nina Obuljen Korzhinek, të dërguarën e posaçme të kryeministrit kroat, Andrej Plenkoviç, nënkryetaren e Parlamentit, Zhelko Reiner, ish presidentët kroat Kolinda Grabar Kitaroviç dhe Ivo Josipoviç si dhe përfaqësuesit e korit diplomatik në krye me nuncin Georgije Lingua”, shkruan në njoftimin e Ambasadës së Kosovës në Zagreb.
“Festa e Bajramit sjelltë mbarësi, shëndet dhe gjitha të mirat në familjet shqiptare”, përfundon njoftimi i ambasadës së Kosovës në Kroaci.
Si u gjend ambasadori i Kosovës në mesin e një lufte politike në Slloveni dhe cili është roli i tij?
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Partitë shqiptare në Bujanoc nënshkruajnë marrëveshje paszgjedhore për të ruajtur shumicën
-
Ministri serb: Fitorja e Kosovës në KiE s’është më aq e lehtë dhe e thjeshtë
-
Arrestohet një serb në Bërnjak, dyshohet për krime lufte
-
Mesiç: Serbia e madhe s’mund të bëhet, është vetëm një shtet i vogël në Ballkan
