Ambasada e Ukrainës në Shqipëri ka ftuar shqiptarët t’i bashkohen legjionit të huaj të formuar për të luftuar rusët.
“Vullnetarët e interesuar për t’u bashkuar me Legjionin Ndërkombëtar të Mbrojtjes Territoriale të Ukrainës duhet të dërgojnë një email në DobrotvorUA@gmail.com”, thuhet në njoftimin e ambasadës.
Lidhur me legjionin, ai është formuar si një përgjigje ndaj pushtimit rus të Ukrainës dhe thirrjes së Presidentit Volodymyr Zelensky për të huajt që t’i bashkohen luftës së vendit të tij për siguri.
Mësohet se vendi i parë evropian që njoftoi se do të lejonte shtetasit e vet të luftonin në Ukrainë ka qenë Danimarka.
Po ashtu, mediat ndërkombëtare tregojnë se grupe të shumta, kryesisht ish-ushtarakë, kanë vendosur të ndihmojnë Ukrainën në këtë betejë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
